१४.०६°C काठमाडौं
काठमाडौंमा वायुको गुणस्तर: १५७

न्यायिक समितिमा मुद्दा कम

कान्तिपुर संवाददाता

पर्सा — वीरगन्ज महानगरको न्यायिक समितिमा मुद्दा पर्ने दरमा कमी आएको छ । साउन १ देखि बुधबारसम्ममा समितिमा जम्मा आधा दर्जन मुद्दा मात्र दर्ता भएका छन् । यसरी मुद्दा दर्ता नै कम हुन थालेपछि सेवाग्राहीमा समिति प्रतिको उदासिनता बढेको अनुमान गरिएको छ ।

न्यायिक समितिमा मुद्दा कम

गत आर्थिक वर्षम चैत १ बाट मुद्दा दर्ता थालेको समितिमा असार मसान्तसम्ममा १ सय २६ मुद्दा दर्ता भएका थिए । यसरी ४ महिनामा प्रतिमहिनामा ३१ का दरले मुद्दा दर्ता भएका थिए । गत आवमा समितिमा दर्ता भएकामध्ये ९ वटा मुद्दाको मात्र समितिले किनारा लगाएको छ ।

यसबाहेक आधा दर्जन सम्बन्ध बिच्छेदका मुद्दामा दुवै पक्षलाई पटकपटक छलफल गराउँदा सहमतिमा नआएपछि पर्सा जिल्ला अदालतमा सक्कल पाइल पठाइएको समितिका उजुरी प्रशासक धनबहादुर थापाले बताए । यसबाहेक आधा दर्जन मुद्दा किनारा नजिक पुगेको उनले बताए ।

महानगरको न्यायिक समितिकी संयोजक उपप्रमुख शान्ति कार्की हुन् भने सदस्यहरू तुफेल अख्तर र बैजयिन्ती माला देवी छन् । समितिले साताको ३ दिन आइतबार, बुधबार र बिहीबार सुनुवाइ गर्छ । समितिले आफ्नो कार्यक्षेत्रभन्दा बाहिरका मुद्दालाई दरपीठ गरिरहेको छ । समितिमा हाल बढीजसो शान्ति सुरक्षा र जग्गा विवादसम्बन्धी मुद्दा परिरहेका छन् ।

न्यायिक समिति सदस्य तुफेल अख्तरले समितिले आफ्नो कार्यक्षेत्रभित्रको मुद्दा मात्र दर्ता गर्न थालेको, सेवाग्राहीलाई पनि समितिको कार्यक्षेत्रबारे जानकारी हुँदै गएकाले पनि समितिमा मुद्दा पर्ने दर घटेको हुन सक्ने बताए । हाल खेतीपातीको सिजन भएकाले पनि सेवाग्राहीको व्यस्तता खेतीपातीतर्फ बढेकाले पनि मुद्दा नआएको हुन सक्ने उनको बुझाइ छ ।

प्रकाशित : श्रावण २६, २०७५ ०८:३०
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?