प्रदेश २
श्रावण ३१, २०७५

बागमतीमा बाढी: बाँधकै चिन्ता

राजदेवी नगरपालिका ६ का स्थानीय छिनछिनमा वाग्मतीको बाँध हेर्न पुग्थे । पानीको सतह बढेपछि गाउँलेलाई एउटै चिन्ता थियो, बाँध भत्कियो भने सिंगो गाउँ नै सखाप हुन्छ । अवस्था गम्भीर हुन सक्छ । नदीले बाँधभन्दा २०/२५ मिटर नजिक कटान गर्न थालेपछि स्थानीयमा त्रास बढेको हो ।

कक्षामा कार्यक्रम, विद्यार्थी बरन्डामा

हनुमाननगर कंकालिनी नगरपालिकाको लिलजा ठाकुर राष्ट्रिय प्राथमिक विद्यालय कक्षा कोठाको हिसाबले सुविधा सम्पन्न छ । तर बुधबार दिउँसो कक्षा ३ मा अध्ययनरत विद्यार्थी विद्यालयको बरण्डामा भुइँमै बसेर पढिरहेका थिए ।

सरकारी पोखरी बेवारिसे

चन्द्रपुर नगरपालिका–१० पडहरियाको सरकारी पोखरी ३ वर्षदेखि बेबारिसे अवस्थामा छ । तत्कालीन डुमरिया गाविसले त्यसमा माछापालन गथ्र्यो । गाविस नगरपालिकामा समाहित भएयता पोखरीको संरक्षण हुन सकेको छैन ।

हाँस–कुखुरामा पनि कर

मिर्चैया नगरपालिकाले परेवा, हाँस र कुखुरादेखि राष्ट्रिय राजमार्गको घरधुरीमा समेत व्यापक कर निर्धारण गरेको भन्दै व्यवसायी र पूर्वजनप्रतिनिधिले विरोध गरेका छन् ।

‘बर्थिङ सेन्टर’लाई भवन अभाव

जिल्लामा सञ्चालित अधिकांश ‘बर्थिङ सेन्टर’ मा भवनको अभाव देखिएको छ । प्रसूति गराउन दक्ष चिकित्सक भए पनि यहाँ भवनको अभाव देखिएको हो । अधिकांश सेन्टरका भवन जीर्ण भइसकेका छन् । तिनको मर्मत हुन सकेको छैन ।

ADVERTISEMENT
ADVERTISEMENT

रक्सी र बियरको आयात घट्यो

सबैखाले मदिरा आयात हुने मुलुकको प्रमुख नाका सिर्सिया सुक्खा बन्दरगाहबाट गत आर्थिक वर्षमा तयारी रक्सी र बियरको आयात घटेको छ । वाइनको आयात भने बढेको छ । यता रक्सी बनाउने कच्चा पदार्थको आयात पनि बढेको छ ।

वीरगन्ज–काठमाडौं रेलमार्ग प्राथमिकतामा

वीरगन्जस्थित भारतीय महावाणिज्यदूत बीसी प्रधानले भारत सरकारले वीरगन्ज काठमाडौं रेलमार्ग निर्माण परियोजनालाई उच्च प्राथमिकतामा राखेको बताएका छन् ।

श्रावण ३०, २०७५

घूससहित लेखा सहायक पक्राउ 

गौरस्थित जुद्ध माविका लेखा सहायक प्रमोद ठाकुर ४५ हजार घूससहित पक्राउ परेका छन् । ठाकुरलाई अख्तियारको हेटौंडाको टोलीले बुधबार रङेहात पक्राउ गरेको हो ।

धान्नै नसक्ने कर

प्रदेश २ को स्थानीय तहले धान्नै नसक्ने कर लागू गरेपछि जनता विरोधमा उत्रिएका छन् । चुनावका बेला मतदातालाई राहतको प्याकेज घोषणा गरेका जनप्रतिनिधिले करको भारी लादेपछि जनता रुष्ट बनेका हुन् ।

स्थानीय तहको बेथिति: भ्रष्टाचारको अर्को रूप

पर्साको विन्दवासनी गाउँपालिकाको बहुअर्वा माविको परिसरमा सोमबार केही शिक्षक र विद्यार्थीलाई जम्मा गरी हाजिरीजवाफको समापन तस्बिर लिइँदै थियो । असार मसान्तमै भुक्तानी भइसकेको कार्यक्रम एक महिनापछि समापन हुँदै थियो ।

बोर्डिङबाट सामुदायिकमा

रोजगारीका लागि साउदी गएका ३२ वर्षीय राजेश मण्डल ८ महिनादेखि प्रहरी नियन्त्रणमा छन् ।उनी जेल परेपछि घरमा पैसा पठाउन छोडे । छोरा बोर्डिङबाट सामुदायिक विद्यालयमा सरे ।पति पक्राउ परेदेखि वीरगन्ज महानगर १४ राधेमाईकी लक्षु मण्डलका आँखा ओभाना भएका छैनन् ।

फरार अभियुक्त पक्राउ

जितपुर सिमरा उपमहानगरपालिका–१७ का तिलक लामा घिसिङ गत असार २७ मा पक्राउ परे । उनीमाथि २०६८ भदौ २४ मा रौतहट जिल्ला फतुहा हर्साहा गाविस–७, विजयपुरका एमाले नेता टेकनाथ पौडेललाई अपहरण गरेको आरोप थियो ।

अनुमतिबिनै माथिल्ला कक्षा

प्रदेश २ को अस्थायी मुकाम जनकपुर उप–महानगरपालिका–४ स्थित एजुकेसन प्वाइन्ट स्कुलले ०७४ असार अन्तिम साता कक्षा ८ को अनुमति मागे पनि पाउन सकेन । तर विद्यालय भने कक्षा १० सम्म चलेको शिक्षा कार्यालयको अनुगमन टोलीले बतायो । विद्यालयसँग भने कक्षा १ को अनुमति मात्रै अनुमति छ ।