जनकपुरधामको पुनर्निर्माण, सडक विस्तार, ढल निकास, ड्रेन (नाली) निर्माण र सडक कालोपत्रे गर्ने क्रममा नेपाल टेलिकमलाई ३६ करोड रुपैयाँ बराबरको क्षति भएको छ ।
सखुवानानकारकट्टी ५ का चार घर दलित डोम परिवार आवतजावत गर्ने बाटो नहुँदा घेराबन्दीमा परेका छन् । पोखरीको डिल छेउ ऐलानी जग्गामा तीन पुस्तादेखि बसोबास गर्दै आएका डोम बस्तीसम्म पुग्ने बाटो नहुँदा उनीहरू घेराबन्दीमा परेका हुन् ।
राजदेवी नगरपालिका ६ का स्थानीय छिनछिनमा वाग्मतीको बाँध हेर्न पुग्थे । पानीको सतह बढेपछि गाउँलेलाई एउटै चिन्ता थियो, बाँध भत्कियो भने सिंगो गाउँ नै सखाप हुन्छ । अवस्था गम्भीर हुन सक्छ । नदीले बाँधभन्दा २०/२५ मिटर नजिक कटान गर्न थालेपछि स्थानीयमा त्रास बढेको हो ।
हनुमाननगर कंकालिनी नगरपालिकाको लिलजा ठाकुर राष्ट्रिय प्राथमिक विद्यालय कक्षा कोठाको हिसाबले सुविधा सम्पन्न छ । तर बुधबार दिउँसो कक्षा ३ मा अध्ययनरत विद्यार्थी विद्यालयको बरण्डामा भुइँमै बसेर पढिरहेका थिए ।
चन्द्रपुर नगरपालिका–१० पडहरियाको सरकारी पोखरी ३ वर्षदेखि बेबारिसे अवस्थामा छ । तत्कालीन डुमरिया गाविसले त्यसमा माछापालन गथ्र्यो । गाविस नगरपालिकामा समाहित भएयता पोखरीको संरक्षण हुन सकेको छैन ।
मिर्चैया नगरपालिकाले परेवा, हाँस र कुखुरादेखि राष्ट्रिय राजमार्गको घरधुरीमा समेत व्यापक कर निर्धारण गरेको भन्दै व्यवसायी र पूर्वजनप्रतिनिधिले विरोध गरेका छन् ।
जिल्लामा सञ्चालित अधिकांश ‘बर्थिङ सेन्टर’ मा भवनको अभाव देखिएको छ । प्रसूति गराउन दक्ष चिकित्सक भए पनि यहाँ भवनको अभाव देखिएको हो । अधिकांश सेन्टरका भवन जीर्ण भइसकेका छन् । तिनको मर्मत हुन सकेको छैन ।
सबैखाले मदिरा आयात हुने मुलुकको प्रमुख नाका सिर्सिया सुक्खा बन्दरगाहबाट गत आर्थिक वर्षमा तयारी रक्सी र बियरको आयात घटेको छ । वाइनको आयात भने बढेको छ । यता रक्सी बनाउने कच्चा पदार्थको आयात पनि बढेको छ ।