महिलाको समृद्धि बिना प्रदेश र मुलुक समृद्ध सम्भव छैन : मुख्यमन्त्री राउत 

सन्तोष सिंह

जनकपुर — मुख्यमन्त्री लालबाबु राउतले आधा जनसंख्या रहेको महिलाको समृद्धि बिना प्रदेश र मुलुक समृद्धिको कल्पना समेत गर्न नसकिने बताएका छन् ।

दोस्रो नेपाल बालिका सम्मेलन २०७५ को उद्घाटनमा सम्बोधन गर्दै मुख्यमन्त्री राउतले कुनैपनि बहानामा महिलालाई उपेक्षित गर्न नसकिएको बताएका छन् ।

Yamaha


महिलाको महत्वलाई बुझेर प्रदेश सरकारले क्रमवद्ध रुपमा 'बेटी पढाउ बेटी बचाउ' लगायतका महिला मैत्री कार्यक्रम ल्याएको उल्लेख गर्दै राउतलेशिक्षा र रोजगारीमा महिलाको पहुँचलाई सुनिश्चित गर्ने प्रतिवद्धता जनाए ।

विभिन्न सामाजिक कुरीतिका कारण महिलाहरु वर्षौ देखि विभेदमा रहदैँ आएको टिप्पणी गर्दै राउतले प्रदेश सरकार त्यस्ता कुरीतिहरुकाे अन्त गर्न सशक्त कानून ल्याउन लागेको बताए ।

प्रदेश सरकारले ल्याउन लागेको प्रहरी ऐनमा समेत आरक्षणमा महिलाको लागि आधा सिट सुरक्षित गरेको उल्लेख गर्दै राउतले अन्य रोजगारीको अवसरमा समेत महिलालाई आधा सिट सुरक्षित गर्ने बताए ।

कार्यक्रममा आन्तरिक मामिला तथा कानून मन्त्री ज्ञानेन्द्र यादवले वालविवाह दहेज प्रथा जस्ता कुरीतिहरुले महिलालाई अन्यायमा पारेको बताउँदै त्यस्ता कुरितिहरुलाई अन्त गर्न प्रदेश सरकार कुनै कसर बाँकी नराख्ने बताए ।

कार्यक्रममा प्रदेशभरीका प्रतिनिधिमुलुक बालिकाहरुको सहभागिता छ ।

Esewa Pasal

प्रकाशित : भाद्र १, २०७५ १२:४४
प्रतिक्रिया
पठाउनुहोस्
ADVERTISEMENT
ADVERTISEMENT

वाजपेयीप्रति श्रद्धाञ्जली व्यक्त गर्न परराष्ट्रमन्त्री ज्ञवाली दिल्लीमा

कान्तिपुर संवाददाता

काठमाडौँ — भारतका पूर्व प्रधानमन्त्री अटल बिहारी वाजपेयीप्रति अन्तिम् श्रद्धाञ्जली व्यक्त गर्न परराष्ट्रमन्त्री प्रदीप ज्ञवाली दिल्ली पुगेका छन् । 

वाजपेयीको बिहीबार निधन भएको थियो। वाजपेयीप्रति अन्तिम् श्रद्धाञ्जली व्यक्त गर्न प्रमुख प्रतिपक्षी दल नेपाली कांग्रेसका कार्यवाहक सभापति विमलेन्द्र निधि पनि दिल्ली पुगेका छन्।
भारतीय सञ्चार माध्यमहरुका अनुसार भारतीय राष्ट्रपति रामनाथ कोविन्द, उप राष्ट्रपति भेन्काय नाइडु, प्रधानमन्त्री नरेन्द्र मोदी, गृहमन्त्री राजनाथ सिंहलगायतका नेताहरूले वाजपेयीको निधनप्रति शोक व्यक्त गरेका छन्।

भारतीय पूर्व प्रधानमन्त्री वाजपेयीको ९३ बर्षको उमेरमा नयाँ दिल्लीमा बिहीबार भएको निधनबाट भएको थियो। उनी मधुमेह, मृगौलालगायतका समस्याले ग्रस्त बनेपछि विगत नौ हप्तादेखि भारतीय आयुर्विज्ञान संस्थान (एम्स) मा उपचाररत थिए।

प्रकाशित : भाद्र १, २०७५ १२:४३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT