अवैध घिउ उत्पादन

स्थानीय प्रशासनले त्यहाँबाट ठूलो परिमाणमा कच्चा पदार्थ, प्याकिङ गर्न बाँकी तथा तयारी अवस्थाको नक्कली घिउ, स्टीकर लगाएको तयारी पकेट, भाँडाकँुडालगायतका सामग्री जफत गरेको छ ।
लक्ष्मी साह

बारा — प्रसौनी गाउँपालिका–३ स्थित लामो समयदेखि बन्द रहेको आलुको चिस्यान गोदामभित्र अखाद्य रसायनबाट घिउ उत्पादन हुँदै आएको पाइएको छ ।

प्रहरी चौकी छेउमै रहेको उक्त कोल्डस्टोरको चारैतिरबाट ठूलो पर्खालले घेरिएको झाडीभित्र उत्पादन गर्दै आएको थियो । बजार अनुगमनपछि उत्पादित घिउको नमुना संकलनबाट त्यहाँ यस्तो अवैध उत्पादन हुँदै आएको थाह भएको हो ।

स्थानीय प्रशासनले त्यहाँबाट ठूलो परिमाणमा कच्चा पदार्थ, प्याकिङ गर्न बाँकी तथा तयारी अवस्थाको नक्कली घिउ, स्टीकर लगाएको तयारी पकेट, भाँडाकुँडालगायतका सामग्री जफत गरेको छ । स्थानीय प्रशासन, क्षेत्रीय खाद्य गुणस्तर कार्यालय हेटौंडा र सुरक्षाकर्मीले स्थानीय जनप्रतिनिधिको रोहबरमा जफत गरेका थिए ।

Yamaha

बालाजी, गोकुल डेरी, शिवम्, मिल्क फुडलगायत ब्रान्डको स्टीकर टाँसेको आधा लिटरको डिब्बामा प्याकिङ गरिएको १ सय १६ वटा डिब्बा बरामद गरिएको जिल्ला प्रशासन कार्यालयले जनायो । यसैगरी ६ सय केजी तयारी प्याकिङ नगरिएको तयारी अवस्थाको नक्कली घिउ बरामद गरिएको छ । उद्योग सञ्चालक र त्यहाँ काम गर्ने कामदारहघ्यू सबै फरार छन् ।

‘यसअघि स्थानीय प्रहरी र प्रशासनको मिलेमतोमा उद्योग वर्षौंदेखि सञ्चालन हुँदै आएको थियो,’ प्रसौनी गाउँपालिकाका एक जनप्रतिनिधिले भने, ‘प्रहरी र प्रशासनले नदेख्या जस्तो गरेको थियो ।’ जिल्लामा भर्खरै आएका प्रमुख जिल्ला अधिकारी गणेश प्रसाद भट्टराईले बिनादर्ता र अनुमतिले उद्योग लामो समयदेखि अखाद्य घिउ उत्पादन गर्दै आएको बताए ।

‘उद्योग सञ्चालकको पहिचान र खोजी भइरहेको छ,’ प्रमुख जिल्ला अधिकारी गणेशप्रसाद भट्टराईले भने, ‘सञ्चालक को हुन् भनेर कसैले किटानका साथ भनेका छैन, जेहोस् मित्तल थरका सञ्चालक भन्ने थाहा पाएका छौं । प्रक्रिया पुर्‍याएर पक्राउ गरी कारबाही गर्छु ।’ गत भदौ ६ गते ती उद्योगलाई शिल गरी शनिबार (१० गते) बरामद अखाद्य बस्तु नष्ट गरिएको
उनले बताए ।

क्षेत्रीय खाद्य गुणस्तर कार्यालय हेटौंडाले नमुना जाँच गरेपछि गुणस्तरहीन तथा अखाद्य पुष्टि भएकाले नष्ट गरिएको उनको भनाइ छ । ‘उत्पादित नक्कली घिउमा थोरै पनि सक्कली घिउको मात्र रहेनछ । सबै रसायनबाट बनाउँदो रहेछ,’ उनले भने, ‘उद्योग थाहा नपाउने गरी त्यस पर्खालको प्राङ्गणमा स:मिल पनि सञ्चालन गरिएको छ ।’

सरकारले तोकेको मापदण्ड विपरीत घिउ उत्पादन गर्दै आएको क्षेत्रीय खाद्य गुणस्तर कार्यालय हेडौंडाका प्रमुख राजकुमार रिजालले बताए । ‘उत्पादित सामानको जाँच गर्दा निश्चित पारामिटर देखेनौं,’ उनले भने, ‘नक्कली उत्पादन नै गरेर सात वर्षदेखि बजारमा ‘सप्लाइ’ गर्दै आएको थियो ।’ लामो समयको खोजीपछि यी उद्योग पत्ता लागेको उनको भनाइ छ ।

अवैध उत्पादनबारे छानबिन भइरहेको प्रमुख जिल्ला अधिकारी भट्टराईले बताए । अनुसन्धान सकेर अदालतमा मुद्दा लैजाने उनले बताए । ठहर भएमा ५० हजार जरिवाना र पाँच वर्ष कैद हुने कानुनी व्यवस्था छ ।

यसैबीच, उद्योगी बचाउका लागि चलखेल गर्दै अधिकारीलाई फकाउने प्रयास भइरहेको स्रोतले जनाएको छ ।

प्रकाशित : भाद्र १८, २०७५ ०९:०९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

आँखा अस्पतालमा भारतीय बिरामीको चाप

कान्तिपुर संवाददाता

पर्सा — भारत बिहार पश्चिम चम्पारण बिसमराका ६५ वर्षीय गोपाल साह केही वर्षयता दुबै आँखाले धमिलो देख्छन् ।

उनी आँखाको परीक्षण गराउन आइतबार वीरगन्जस्थित दृष्टि आँखा अस्पताल आइपुगेका थिए ।

आँखा परीक्षणपछि दुबै आँखामा मोतिबिन्दुको जालो पाकिसकेको चिकित्सकले बताएपछि आँखाको शल्यक्रिया पनि यहीं गराउने उनले निर्णय गरे । ‘शल्यक्रिया नै गराउनु नै पर्छ भने यहीं गराउने,’ उनले भने, ‘हाम्रोतिर भारतमा आँखाको उपचार गराउने भरपर्दा अस्पताल छैनन्, भएका पनि महँगा छन् ।’

गोपालजस्ता अन्य भारतीय बिरामीहरू पनि आँखाको उपचार गराउन अस्पतालमा आएका थिए । धेरै नेपालीका लागि भारतका अस्पताल उपचारको गन्तव्य हो । तर वीरगन्जका आँखा अस्पताल भने भारतीय बिरामीको उपचार गन्तव्य बन्दै आएका छन् ।

वीरगन्जमा सञ्चालित आधा दर्जन आँखा अस्पतालमा भारतीय बिरामीकै चाप हुने गरेको छ । कुनै समय नेपालका सीमावर्ती गाउँका बिरामीहरूको पनि आँखा उपचारको गन्तव्य भारतको सीतापुर आँखा अस्पताल हुन्थ्यो । बिस्तारै नेपालका आँखा अस्पतालहरूको गुणस्तरिय सेवाबारे चर्चा फैलिँदै गएपछि अब भारतीयहरूको चाप यहाँका अस्पतालमा हुने गरेको छ ।

कुल बिरामीमध्ये करिब ६० प्रतिशत भारतीय नै हुन्छन् । ससाना रोगको उपचार गराउन पनि छिमेकी भारत र तेस्रो मुलुक जानेहरूका लागि वीरगन्जका आँखा अस्पताल गर्व गर्न लायक उदाहरण बन्न सक्छन् । तुलनात्मक रूपमा गुणस्तरिय, भरपर्दो र सस्तो उपचार सेवा दिन सके भारतबाटै पनि बिरामीहरू उपचार गराउन गराउन यहाँ आउँछन् भन्ने कुरो प्रमाणित गरेका छन् यहाँका आँखा अस्पतालले ।

दृष्टि आँखा अस्पतालका सीईओ तथा कर्निया विशेषज्ञ डा. भाइरजा श्रेष्ठ अस्पतालमा भारतको बिहार र उत्तरप्रदेश राज्यबाट बढी बिरामी आउने गरेको बताउँछन् । तीमध्ये पनि बिहारको पूर्वी र पश्चिम चम्पारण जिल्लाको सिवान, छपरा, मोतिहारी क्षेत्रका बिरामी बढी हुने गरेका छन् ।

प्रकाशित : भाद्र १८, २०७५ ०९:०८
पूरा पढ्नुहोस्
प्रतिक्रिया
पठाउनुहोस्
ADVERTISEMENT