बालिकालाई यौन शोषण गरेको आरोपमा सोमबार लालबन्दीबाट एक शिक्षक पक्राउ परेका छन् । हरिपुर्वा नगरपालिका–८, बसन्तपुर घर भई हाल लालबन्दीमा बसेर होम टयुसन पढाउँदै गरेको २४ वर्षीय राम सिंहासन राय पक्राउ परेका हुन् ।
चन्द्रपुर नगरपालिका ६ लमाहाकी ४५ वर्षीय फूलमाया पहर्नीको घाँटी दुखेको एक साता भइसक्यो । कारण अरू केही होइन । घरको छानाबाट बगेको पानी पिउनाले उनको घाँटीमा समस्या देखिएको हो ।
सप्तरीबाट फेरि एक जना भारतीय व्यापारीले नेपाली नागरिकता बनाएको खुलेको छ । भारतको सहरसा जिल्ला घर भएका व्यापारी केदार गुप्तासित सप्तरीको मलेकपुर स्थायी ठेगाना देखाएर रबी रौनियारको नाममा किर्ते नागरिकता रहेको खुलेको हो ।
भारत सरकारका सडक, परिवहन तथा राजमार्ग राज्यमन्त्री मनसुख मान्डाभियाले निर्माणाधिन जयनगर–जनकपुर रेल्वे खण्डको निरिक्षण गरेका छन् । काठमाडौंबाट सोमबार जहाजमा जनकपुर उत्रिएका भारतीय राज्यमन्त्री मान्डाभियाले भारत सरकारकै लगानीमा निर्माण भइरहेको रेल्वे लाइनको निरिक्षण गरेका हुन् ।
प्रदेश सरकार एवं स्थानीय सरकारमा सुशासन, प्रदेशको समृद्धि लगायत विषयमा प्रदेश २ मा पहरेदारी तथा नागरिक खबरदारी सशक्त गर्न आयोजित नागरिक सम्मेलनले आइतबार ९ बुँदे सर्लाही घोषणापत्र जारी गरेको छ ।