नैन्ही गाउँमा झाडापखाला
गौशाला — महोत्तरीको जलेश्वर नगरपालिका-१२ नैन्ही गाउँको मुसलमान टोलमा झाडापखाला फैलिएको छ । झाडापखालाबाट ४१ जना प्रभावित बनेका छन् ।
प्रहरी नायब उपरीक्षक खगेन्द्रबहादुर खड्काका अनुसार उक्त टोलमा मंगलबार साँझदेखि झाडापखाला फैलिएको हो । झाडापखालाका बिरामीलाई स्थानीय मदरसामा राखेर उपचार भइरहेको छ ।
जिल्ला अस्पताल जलेश्वरका प्रमुख डा राजीव झाले प्रभावित क्षेत्रमा चिकित्सक टोली पुगेर उपचार थालिएको बताए । 'केही बिरामी सिकिस्त छन्,' उनले भने ।
सिकिस्त अवस्थाकी नईमा खातुनको जिल्ला अस्पताल जलेश्वरमा उपचार भइरहेको छ । 'चिकित्सक टोली औषधिसहित पुगेको छ, झाडापखाला नियन्त्रणमा आएको खबर छ,' डा झाले भने ।
प्रकाशित : आश्विन ३, २०७५ १४:२७प्रतिक्रिया