घूस लिँदालिँदै पर्साका शिक्षा समन्वय इकाइ प्रमुख पक्राउ

भूषण यादव

पर्सा — पर्साका शिक्षा विभाग तथा समन्वय इकाइ प्रुमख लालबाबु साह घूस लिँदालिँदै पक्राउ परेका छन् ।

अख्तियार दुरुपयोग अनुसन्धान आयोग क्षेत्रीय कार्यालय हेटौडालेसाहलाई बिहीबार ४० हजार घूससहित रंगेहात पक्राउ गरेको हो।

Yamaha

पर्साको जगरनाथपुर गाउँपालिकामा-३ स्थित नेपाल राष्ट्रिय आधारभूत विद्यालयको भवन निर्माणका लागि निकासा भएको रकम फुकुवाका लागि भन्दै यादवले ४० हजार घूस मागेका थिए।

यादवलाई अपरान्ह वीरगञ्ज महानगरपालिका-१४ चिनी मिल आवास क्षेत्रस्थित साहको क्वाटरबाट अख्तियारले पैसा लिने क्रममा नियन्त्रणमा लिएको थियो।

प्रकाशित : आश्विन २५, २०७५ १६:४७
प्रतिक्रिया
पठाउनुहोस्
ADVERTISEMENT

बेल्जियमको स्थानीय चुनावमा एक दर्जन नेपाली मूलका उम्मेदवार

कान्तिपुर संवाददाता

बेल्जियम (ब्रसेल्स) — बेल्जियममा अगामी अक्टोबर १४ तारिखमा हुन गइरहेको स्थानीय र प्रादेशिक निर्बाचनमा एक दर्जन नेपाली उम्मेदवारहरुले प्रतिष्पर्धा गर्दैछन् । बेल्जियमका विभिन्न सहरहरूबाट चुनावी मैदानमा उत्रेका नेपालीहरूसंग नेपाल पत्रकार महासंघ युरोप शाखाले मंगलबार अन्तर्क्रिया गर्‍यो ।

नेपाल पत्रकार महासंघ, बेलायत शाखाले आयोजना गरेको अन्तर्क्रियामा सहभागी उम्मेदवारहरु । तस्बिर सौजन्य केजिन राई ।

नेपालीहरुले सत्तासिन र प्रमुख प्रतिपक्षलगायत स्थापित राष्ट्रिय ६ वटा राजनीतिक दलबाट उम्मेदवारी दिएका छन्। पत्रकारहरूले उनीहरुसंग उम्मेदवारी, एजेन्डा र भविष्यको योजनाबारे जिज्ञासा राखेका थिए।

धेरै संख्यामा नेपाली उम्मेद्वार लुभेन सहरबाट रहेका छन्। त्यहाँ ५ राजनीतिक दलबाट पाँच उम्मेदवार छन्। लुभेन नगरपालिकामा लामो समयदेखि चुनाव जित्दै आएका सोसलिस्ट पार्टी एसपीआले सूर्य ढकाललाई उम्मेदवार बनाएको छ भने समाजबादी-कम्युनिष्ट पार्टीको रूपमा परिचित पिभिडीएले लोक रानामगरलाई उम्मेदवार खडा गरेको छ।

सोही नगरपालिकामा अर्का राष्ट्रिय पार्टीहरू सीडीएंडभीले रश्मी निरौला र ग्रीन पार्टीले बलिराम झालाई उमेद्वार बनाएको छ। आप्रवासीप्रति कठोर र राष्ट्रबादको नारा दिने पार्टी एनभीआले कृष्ण क्षेत्रीलाई अगाडि सारेको छ। भ्लाम्स क्षेत्रमा पिभिडीए पार्टीले डिल्लीराम भण्डारीलाई प्रदेश संसदको लागि उम्मेदवार बनाएको छ।

बेल्जियमको अर्को व्यापारिक शहर अन्त्वेर्पेनबाट प्रदेश सांसदका लागि लीला शर्मा मानन्धरलाई सीडिएंडभी पार्टीले उम्मेद्वार बनाएको छ। सोही पार्टीले अर्को विलरीक शहरबाट श्याम श्रेष्ठ, एसपीआले ओस्तंडेबाट शोभा लिम्बु र दिएसएबाट किसन केसी अन्त्वेर्पेन शहरको स्थानीय निकायमा उम्मेद्वार बनेका छन्।

बेल्जियमको प्रमुख पर्यटकीय शहर मानिने ब्रुज़बाट एनभीआ पार्टीले कुशल श्रेष्ठलाई उम्मेद्वार बनाएको छ। उनी सबैभन्दा कान्छा नेपाली मूलका उम्मेद्वारको रूपमा प्रतिष्पर्धा गर्दैछन्।

बलिराम झा, लीला शर्मा मानन्धर, सूर्य ढकाल र कृष्ण क्षेत्री नेपालमा नेपाली कांग्रेससंग आबद्ध थिए। लोक रानामगर संघीय समाजबादी फोरमसंय सम्बद्ध व्यक्ति हुन्। डिल्लीराम भण्डारी नेकपा माओवादीको राजनीतिमा सक्रिय थिए। कुशल श्रेष्ठ विद्यार्थी हुन्। नेपाली कलाकारिता जगतमा श्याम श्रेष्ठ स्थापित नाम हो, रश्मी निरौला काठमाडौंको सेन्ट जेभियरबाट ब्याचलर्स हुन्।

अन्तर्क्रिया महासंघ यूरोप अध्यक्ष केजिन राईको सभापतित्व र सल्लाहकार पञ्चम अधिकारीको संचालन संचालनमा भएको थियो। महासंघ केन्द्रीय संगठन समिति सदस्य ओम शर्मा, बरिष्ठ उपाध्यक्ष डिल्ली अम्माई सदस्यहरू बिरमान मगर, निलम घिमिरे सापकोटालगायत पत्रकार सहभागी थिए।

प्रकाशित : आश्विन २५, २०७५ १६:४५
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT