बिहारको चुनावमा दुई खतरा

चुनावमा दुईतर्फबाट बोर्डर शिल गर्ने विषयमा छलफल भएको छ
सन्तोष सिंह

धनुषा — भारतको बिहारमा हुन लागेको लोकसभा चुनावमा नेपालबाट नक्कली रुपैयाँ र भारतीय अपराधी नेपालमा लुक्ने सक्ने खतरा सुरक्षा अधिकारीहरूले औंल्याएका छन् ।

जनकपुरमा सोमबार नेपाल–भारत बोर्डर सुरक्षा बैठकमा सहभागी । तस्बिर :सन्तोष/कान्तिपुर

नेपाल–भारत बोर्डर सुरक्षा बैठकको क्रममा सोमबार जनकपुरमा दुई देशका अधिकारीहरूले लोकसभा चुनावमा नेपालबाट रुपैयाँ, अपराधी लुकेर प्रभाव पार्न सक्ने र मदिराले चुनावमा असर पार्न सक्ने भारतीय अधिकारीले
बताएका छन् ।

बैठकमा सहभागी भारतीयअधिकारीहरूको पहिलो एजेनडा लोकसभा चुनावलाई मध्यनजर गर्दै निर्णयहरू भएको धनुषाका प्रमुख जिल्ला अधिकारी (प्रजिअ) प्रदिप कणेलले बताए ।

खुला सिमानका कारण चुनावमा प्रभावित गर्ने नक्कली रूपैयाँको ओसारपसार हुन सक्ने खतराबारे बैठकमा छलफल भएको छ, प्रजिअ कणेलले भने, ‘चुनावलाई मध्यनजर गर्दै भारतीय नक्कली रूपैयाँ, मानव ओसारपोसार, मदिरा बेचबिखन र अबैध कारोबारमा विशेष निगरानी गर्ने निर्णय भएको छ । चुनावलाई मध्यनगर गर्दै नेपाल–भारत सीमा आपराधी क्रियाकलाप हुन नदिन दुबैतर्फका सुरक्षा निकायले निगरानी बढाउने निर्णय भएको उनले बताए ।

भारत, बिहार राज्यको मधुवनीसँग नेपाल, प्रदेश २ सँग जोडिएको महोत्तरी, धनुषा, सिरहा र सप्तरीका प्रमुख जिल्ला अधिकारी, सुरक्षा प्रमुखसँग मधुवनीका डीएम कपिल अशोकले नेतृत्व गरेको समूहसँग लोकसभा चुनावको सुरक्षा अवस्थाबारे छलफल गरेका थिए ।

बैठकमा लोकसभा चुनावमा नेपालतर्फबाट हुन सक्ने सुरक्षा थ्रेटबारे छलफल भएको डीएम कपिल अशोकले बताए । चुनावमा दुईतर्फबाट बोर्डर शिल गर्ने विषयमा छलफल भएको छ, डीएम अशोकले भने, ‘बिहारको चुनावमा मदिराले समेत प्रभाव पार्न सक्छ । मदिरा नियन्त्रण र चुनावका बेलामा दुबैतर्फ सुरक्षा गस्ती बढाउने निर्णय भएको छ ।
लोकसभा चुनावमा धनुषासँग जोडिएको मधुवनीको हरलाखी सबैभन्दा बढी सुरक्षा थ्रेटमा रहेको छ, कपिलले भने, ‘तराईको समथर भूभागमा कमला नदीसँग जोडिएको क्षेत्र पनि सुरक्षाको दृष्टिकोणले संवेदनशील छ । नियमित सुरक्षा बैठकमा लोकसभा चुनावबाहेक मानव तस्करी, सामाजिक विकृति लगायतका विषयमा छलफल भएको उनले बताए ।

छलफलमा दुई देशको सीमा क्षेत्रमा स्थानीय स्तरबारे उठेको जिज्ञासामा समेत छलफल भएको कपिलले सञ्चारकर्मीलाई जानकारी थिए । बैठकमा लागूऔषध र सीमास्तम्भ मर्मतसम्भार तथा अतिक्रमण हुन नदिनेबारे भारतीय अधिकारीहरूसँग सहमति भएको कणेलले बताए ।

नियमित सुरक्षा बैठकमा सीमा क्षेत्रको व्यापार, अपराध, नियमित आवतजावत, भन्सार, वन, नदी नियन्त्रण, प्राकृतिक स्रोतसाधनको विषयमा छलफल भएको थियो ।

प्रकाशित : माघ २९, २०७५ १०:१४
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

अब शुक्रबार पनि दिनभरि स्कुल

अवधेशकुमार झा

राजविराज — प्रदेश २ को सरकारले शुक्रबार पनि अनिवार्य रूपमा ४ बजेसम्म विद्यालय सञ्चालन गर्न प्रदेशका विद्यालयलाई निर्देशन दिएको छ ।

सामाजिक विकास मन्त्रालयअन्तर्गतको शिक्षा विकास निर्देशनालयले माघ २१ गते प्रदेश भित्रका सबै विद्यालयहरूलाई पत्राचार गरी शुक्रबार पनि ४ बजेसम्म विद्यालय सञ्चालन गर्न निर्देशन दिएको हो ।

‘शुक्रबार पनि ४ बजेसम्म अनिवार्य रूपमा विद्यालय सञ्चालन गरी समुदायमा भएका विभिन्न क्षेत्रका प्रतिभा,अनुभवी र विज्ञहरू समेतको सहयोग लिई सम्पूर्ण शिक्षक,विद्यार्थीको सहभागितामा सहक्रियाकलापहरू सञ्चालन गर्न अनुरोध छ,’ प्रदेश २ को शिक्षा विकास निर्देशनालयले जारी गरेको परिपत्रमा उल्लेख छ । यसअघि शुक्रबार मध्यान्ह साढे १२ बजेसम्म विद्यालयको पढाइ हुने गरेको थियो ।

‘यसअघि पनि विद्यालयहरू शुक्रबार पढाइपछि सह क्रियाकलाप गर्न ४ बजेसम्मै खोल्ने प्रावधान थियो,’ शिक्षा समन्वय इकाई सप्तरीका प्रमुख शंकर लुइँटेलले भने, ‘अब कडाइकासाथ कार्यान्वयन गरिनेछ ।’

केही विद्यालयहरूको अनुगमन गर्दा बिहान १० बजे खोलिएको पाइए पनि कक्षा भने साढे १० बजेदेखि मात्र सञ्चालन गरेको पाइएको प्रति पनि निर्देशनालयले पाठ्यक्रममा पाठ्यभार बिहान १० बजेदेखि बेलुका ४ बजेसम्म कक्षा सञ्चालन गर्ने गरी निर्माण गरिएको विषयबारे समेत विद्यालयहरूलाई सचेत गराएको छ ।

प्रदेश नम्बर २ का विद्यार्थीको सिकाइको उपलब्धि वृद्धि गर्न थप समयमा समेत सिकाइको कार्य गर्नुपर्ने निर्देशनालयले औंल्याएको छ ।

निर्देशनालयले बिहान ९ बजेर ४५ मिनेटमा शिक्षक र विद्यार्थी उपस्थित हुनुपर्ने, ९ बजेर ४५ मिनेटमा विद्यार्थीलाई लाइनमा लाग्न जनाउदिने, ९ बजेर ५० मिनेटमा लामबद्ध बनाएर शारीरिक क्रियाकलाप गराउने,राष्ट्रिय गान गाउने भनेको छ । १० बजे कक्षामा शिक्षक र विद्यार्थी उपस्थित भई शिक्षण सिकाइको कार्य सुरुवात गर्न आग्रह गरेको छ ।

प्रकाशित : माघ २९, २०७५ १०:११
पूरा पढ्नुहोस्
ADVERTISEMENT
प्रतिक्रिया
पठाउनुहोस्