स्वर्ण विजेतालाई ५ लाख
जनकपुर — प्रदेश २ को सरकारले तेस्रो एसियाली युथ एथलेटिक्समा नेपालका लागि स्वर्ण पदक जितेका खेलाडी अजित यादवलाई ५ लाख रुपैयाँ पुरस्कार दिने निर्णय गरेको छ । सप्तरीका यादव हङकङमा आइतबार एथलेक्टिसमा स्वर्ण पदक जितेका हुन् ।
एसियाली युथ एथलेटिक्स च्याम्पियनसिपको पुरुषतर्फ तीन हजार मिटर दौड ८ मिनेट ३०.३२ सेकेण्डमा पुरा गर्दै यादवले नेपाललाई युथ एशियाली खेलकुदमा पहिलोपटक स्वर्ण पदक चुम्न सफल भए ।
प्रदेश २ को मन्त्रीपरिषद्को बैठकले खेलाडी यादवलाई प्रोत्साहनवापत ५ लाख रुपैयाँ प्रदान गर्ने निर्णय गरेको हो ।
प्रतिक्रिया