१७.१२°C काठमाडौं
काठमाडौंमा वायुको गुणस्तर: १६०

५१ चालक कारबाहीमा

पर्सा — होली पर्वमा मापसे गरी सवारी चलाउने चालकलाई जिल्ला ट्राफिक प्रहरी कार्यालयले कारबाही गरेको छ । यस क्रममा ५१ जनालाई पक्राउ गरी कारबाही गरिएको जिल्ला ट्राफिक प्रहरी कार्यालयले जनाएको छ ।

ट्राफिक प्रहरी निरीक्षक राजकुमार सिंहका अनुसार बुधबार र बिहीबार गरी सदरमुकाम वीरगन्ज तथा जिल्लाका विभिन्न सडक खण्डमा कारवाही गरिएको छ । मापसे गरी सवारी चलाउने १४ जनालाई पक्राउ गरिएको छ । त्यसैगरी हेलमेट नलगाई मोटरसाइकल चलाउने ९ जनालाई र मोटरसाइकलमा ३ जना चढेर सवारी चलाउने २८ जनालाई पक्राउ गरिएको छ । उनीहरूलाई ३६ हजार जरिवाना गराइएको छ ।

जिल्लामा वर्षेनी होली पर्वको समयमा मादक पदार्थ सेवन गरेर सवारी चलाउने, हेल्मेट नलगाउने र मोटरसाइकलमा ३ देखि ४ जनासम्म सवार हुने जस्ता गतिविधि हुने गरेको छ । यसले गर्दा मोटरसाइकल दुर्घटना बढी हुने र त्यस्ता दुर्घटनामा घाइते हुने तथा ज्यानै जाने समेत घटना भएका छन् ।


तर यस वर्ष त्यस्ता घटना हुन नपाएको प्रनि सिंहले बताए । ‘हामीले यसरी मापसे गरेर तथा नियम उल्लंघन गरेर सवारी चलाउनेहरूलाई कारवाही गर्ने नीति पहिले नै बनाएका थियौं,’ उनले भने, ‘त्यसकारण यस वर्ष होली पर्वमा सवारी दुर्घटना तथा दुर्घटनामा हताहतका घटना भएन ।’

यसै गरी, होली पर्वको मौका छोपेर यात्रुहरूसँग बढी भाडा लिने सुमोका चालकलाई पनि ट्राफिक प्रहरीले कारवाही गरेको छ । प्रनि सिंहका अनुसार वीरगन्जदेखि राजधानी चल्ने १० सुमो चालकहरूलाई शनिबार जनही १/१ हजार जरिवाना गरी यात्रुबाट बढी लिएको भाडा फिर्ता समेत गराइएको छ । होली पर्व सकिएपछि राजधानी फर्कनेहरूको लर्को लागेको छ ।


प्रकाशित : चैत्र १०, २०७५ ०९:५९
प्रतिक्रिया
पठाउनुहोस्
जनताको राय

बैंकमा लगानीयोग्य रकम थुप्रिएर साढे ६ खर्ब नाघेको छ। बैंकहरूले ब्याजदर घटाउँदासमेत कर्जा प्रवाह बढ्न नसक्नुको कारण के हो?