बारामा चट्याङ लागेर ४ घाइते 

पवन यादव

सिमरा — हावाहुरीसँगै परेको चट्याङले बारामा चार भारतीय मजदुर घाइते भएका छन् । कलैया उपमहानगरपालिका १२ धर्मनगरमा रहेको महल इँट्टा उद्योगका मजदुर चट्याङले घाइते भएका हुन् । चटयाङको झिल्का उनीहरुले बनाएको टहरमा परेपछि आगलागीसमेत भएको जिल्ला प्रहरी कार्यालय बाराका प्रमुख प्रहरी उपरीक्षक सानुराम भट्टराईले जानकारी दिए ।

आगलागी नियन्त्रणमा लिइएको र चट्याङबाट घाइते मजदुरहरुलाई उपचारको लागि कलैया अस्पताल लगिएको प्रहरी उपरिक्षक भट्टराईले जानकारी दिए । घाइतेमध्ये एक जनाको अवस्था गम्भीर छ । घाइतेहरुको सनाखत भइसकेको छैन ।

Citizen

हुरीप्रभावितका टहरा त्रिपालसमेत उडाएको प्रहरी उपरीक्षक भट्टराईले बताए ।

प्रकाशित : वैशाख ३, २०७६ २१:२४
ADVERTISEMENT
प्रतिक्रिया
पठाउनुहोस्

मौसम खराब हुने, तीन दिन सतर्क हुन आग्रह

सरोजकुमारी चौधरी

काठमाडौँ — मुलुकभर बुधबारदेखि तीन दिन मौसम खराब हुने जनाउँदै जल तथा मौसम पूर्वानुमान महाशाखाले सतर्क हुन सचेत गराएको छ । मेघ गर्जन, चट्याङ, गड्याङगुडुङ र असिनासहित वर्षा हुने विभागको अनुमान छ । महाशाखाले तीन दिनको मौसम प्रक्षेपण गर्दै पश्चिमी वायुको प्रभाव बुधबारदेखि थप सक्रिय हुने भएकाले देशैभर असर पर्ने बताएको हो । 

तस्बिर : अंगद ढकाल, कान्तिपुर

‘पूर्ण र आंशिक बदली भई देशैभर हावाहुरी, चट्याङ, मेघगर्जन, असिना र पानी पर्ने देखिन्छ,’ महाशाखाकी मौसमविद् मञ्जु बासीले भनिन्। इरान, पाकिस्तान, भारत हुँदै सोमबार पश्चिम क्षेत्रबाट पश्चिमी वायु नेपाल छिरेको हो । ‘मंगलबार रामेछापसम्म पुगेको मौसमी प्रणाली पूर्वतिर सरिरहेको छ,’ उनले भनिन्, ‘बुधबार अझ बिग्रिने देखिन्छ ।’ मंगलबार रामेछापभन्दा पश्चिमका भागमा मेघगर्जनसहित वर्षा भएको उल्लेख गर्दै महाशाखाले उच्च पहाडी तथा हिमाली भू–भागका केही स्थानमा हिमपात हुनसक्ने जनाएको छ ।



प्रकाशित : वैशाख ३, २०७६ २१:१४
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT