अज्ञात समूहद्वारा स्काभेटरमा आगजनी
रौतहट — रौतहटको गुजरा नगरपालिका-६ खत्वैया टोलमा शुक्रबार बिहान अज्ञात समूहले सडक निर्माणमा प्रयोग भएको स्काभेटरमा आगजनी गरेको छ । आगजनीबाट स्काभेटर जलेको छ । घट्ना कसले गराएको भन्ने अहिलेसम्म खुलेको छैन् ।
सहरी विकास मन्त्रालय अन्तर्गत सहरी पूर्वाधार निर्माणमा रहेको रमण/सगरमाथा/सगुन जेभी कन्ट्रक्सनको स्काभेटरमा आगो लगाइएको ठेकेदार सहदेव खड्काले बताए ।
बालचनपुर-खत्वैयामा बाटो कालोपत्रे गर्ने काममा स्काभेटर प्रयोगमा थियो । निर्माणस्थलबाट केही पर नजिकको खेतमा राखेको अवस्थामा आगजनी गरेको हो ।
बिहान आगो लागिरहेको अवस्थामा स्थानीयले देखे पछि प्रहरीलाई खबर गरेका थिए । त्यस पछि स्थानीय र प्रहरीको सहयोगमा आगो निभाएका थिए ।
प्रकाशित : वैशाख २७, २०७६ १२:०९प्रतिक्रिया