हावाहुरी पीडितलाई सहयोग : प्रदेश १ ले दियो १ करोड

चैत १७ गतेको शक्तिशाली हुरीले बारा र पर्सामा जनधनको ठूलो क्षति गरेको थियो । प्रदेश १ का मुख्यमन्त्री राउतले विपदका बेला एउटा प्रदेशले अर्को प्रदेशलाई सहयोग गर्नु संघीयताको सुन्दर पक्ष रहेको बताए ।

मुख्यमन्त्री राईले प्रदेश १ को सानो सहयोगले हावाहुरी पीडितलाई थोरै भए पनि राहत दिने अपेक्षा राखे । ‘त्यो घटना सुनेर हामी मर्माहत भएका थियौं । सबैको मन रोएको थियो,’ उनले भने, ‘हावाहुरी प्रभावित क्षेत्रमा पुनःस्थापनामा सहयोग गर्न आर्थिक मद्दत गरेका हौं ।’

प्रदेश २ का मुख्यमन्त्री राउतले दुःखसुख बाँड्ने काम सह्रानीय रहेको बताउँदै हावाहुरी पीडितलाई सहयोग गर्न प्रदेश १ का मुख्यमन्त्री राई आफैं आएकोमा खुसी व्यक्त गरे ।

मुख्यमन्त्री राउतले स्वागत गर्दै प्रदेश १ का मुख्यमन्त्री राईलाई गम्छा लगाइदिए भने राईले राउतलाई रूद्राक्षको माला लगाइदिए । यस्तै, हावाहुरी प्रभावितलाई प्रदेश २ का प्रदेश प्रमुखका निजी सचिवालयको १ दिन बराबरको तलब सहयोग गरेका छन् ।