फर्जी तालिम दिने पक्राउ

लक्ष्मी साह

बारा — जिल्लाका विभिन्न विद्यालयका राहत शिक्षिका र बाल विकास सहयोगी कार्यकर्तालाई ‘शैक्षिक तालिम दिन्छौं’ भन्दै अवैद्य रकम असुल्ने गरेको पाइएको छ । एक सयभन्दा बढी शिक्षिकाबाट प्रति शिक्षक २ हजार ५ सयदेखि ३ हजारसम्म गरेर ३ लाखभन्दा बढी रकम असुल गरिएको पाइएको हो ।

प्रारम्भिक बाल विकास केन्द्रका सहयोगी कार्यकर्ता र राहत दरबन्दीका शिक्षिकालाई तालिम दिने भन्दै अग्र्रिम रकम उठाउँदै हिँडेका एक जनालाई प्र्रहरीले पक्रेपछि यो रहस्य खुलेको हो ।

प्रहरीले ठगी गरेको आरोपमा सर्लाहीको हरिपुर नगरपालिका–२, का ३५ को विजय चौधरी भन्ने वीरेन्द्र कुवँरलाई कोल्हवी नगरपालिका–३, स्थित नेपाल राष्ट्रिय आधारभुत विद्यालयबाट रकम संकलन गर्दैगर्दा सोमबार पक्राउ गरेपछि अवैद्य रकम असुलेको पुष्टि भएको हो ।

पक्राउ परेका कुवँरको साथबाट रकम संकलनमा प्र्रयोग गरिएको १ ठेली रसिद, संस्थाको लेटर प्याड, केही थान सिडी चक्काहरू र उद्योग मन्त्रालयअन्तर्गतको कम्पनी रजिष्टारको कार्यालयमा दर्ता गरिएको एउटा गैरसरकारी संस्थाको प्र्रमाणपत्र बरामद भएको इलाका प्रहरी कार्यालय कोल्हवीका प्रहरी निरीक्षक पुष्कर बोगटीले बताए ।

प्रहरीले कुवँरमाथि ठगी मुद्दा दर्ता गरी थप अनुसन्धानका लागि जिल्ला प्रहरी कार्यालयको हिरासतमा राखेको छ । ‘पहिलेदेखि नै गुनासो आएको थियो,’ प्रहरी निरीक्षक बोगटीले भने, ‘विभिन्न विद्यालयबाट १ सय भन्दा बढीसँग रकम संकलन गरिसकेको रहेछन् ।’ निरीक्षक बोगटीले जिल्लाका दुर्गम क्षेत्रका विद्यालयमा कार्यरत शिक्षिकाबाट कुवँरले रकम संकलन गरेको उनले बताए ।

‘सेभ द स्कुल’ बहुउद्देश्यीय संस्थाको नाममा कुवँरले एक महिनायता जिल्लाको निजगढ, कोल्हवी, सिमरा र छिमेकी रौतहटका विभिन्न विद्यालयका प्रधानाध्यापक र शिक्षकलाईसमेत प्रभावमा पारेर तालिम दिने नाममा रकम उठाउदैँ आएका थिए । कुवँरले निजगढ नगरपालिकाको विभिन्न विद्यालयबाट २० जनासँग २५/२५ सयका दरले रकम उठाएको पाइएको छ । निजगढ–११ का नेपाल राष्ट्रिय माध्यमिक विद्यालय रतनपुरका शिक्षक कुलदिप ठाकुरका अनुसार कुवँरले जेठ २४ बाट तालिम संचालन गर्ने भन्दै एक महिना अघि पैसा लिइ तालिम दिएका छैनन् । ‘रकम लिएर गएपछि सम्पर्कविहिन भए, उनले भने, ‘अहिले एर्कैचोटी पक्राउ परेपछि ठगी गरेको थाहा भयो ।’

कुवँरले तालिम वापत हरेकसँग अग्र्रीम २ हजार ५ सय र प्रमाण पत्रको छुट्टै थप ५ सय गरी ३ हजारका दरले अवैद्य रकम अुलेको सुनाए । संस्थाले बालबालिकाको लागि उपयोगी शैक्षिक सामाग्र्री र पुस्तकसमेत सप्लाई गर्ने भन्दै कुवँरले विद्यालयमार्फत खरिदको लागि प्रस्ताव राख्ने गरेको पनि सुनाए । केही समयअघि चौधरीले कोल्हवी नगरपालिका कार्यालयमा पुगेर नगर भित्रका विद्यालयको लागि आफ्नो संस्था मार्फत शैक्षिक सामाग्र्री खरिद गरिदिन आग्र्रहसमेत गरेको कोल्हवी नगरपालिकाका प्रमुख भरतबहादुर भण्डारीले जानाकारी दिए ।

प्रकाशित : जेष्ठ ३०, २०७६ ०९:४५
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

हुलाकी सडकमा दुर्घटना बढ्यो

लक्ष्मी साह

बारा — हुलाकी सडक विस्तार गरी फराकिलो पारिएपछि दुर्घटना बढेको छ । फराकिलो सडकमा चालकले तिव्र गतिमा सवारी चलाउँदा अनियन्त्रित भई दुर्घटना हुने गरेको हो । 

बाराको विभिन्न सडकमा टिपर, ट्रक, मोटरसाइकल लगायत अन्य चार पाङ्ग्रे सवारी चालकले सडक खाली देखेपछि अनावश्यक तिव्र गतिमा गुडाउँदा दुर्घटना बढेको ट्राफिक प्रहरीले जनाएको छ । सडकमा सवारी दुर्घटनामा ज्यान गुमाउने र अङ्गभङ्ग हुनेको संख्या बढैछ । दुर्घटना न्यूनीकरण नहुँदा स्थानीयबासी चिन्तित बनेका छन् ।

उनीहरूले दुर्घटना न्यूनीकरणका लागि सम्बन्धित निकायको ध्यानाकर्षण गराउन थालेका छन् । केही दिनअघि भरखरै कालोपत्रे गरिएको हुलाकी सडकको हरनहिया र पटेर्वा चोक नजिकै एक घण्टामा ३ ठाउँमा चारवटा मोटरसाइकल ठोकिँदा ६ जना घाइते भए । उनीहरूको वीरगन्ज र काठमाडौं अस्पतालमा उपचार भइरहेको छ ।

यसैगरी दुई साता अघि ट्रकमा ठोकिंदा मोटरसाइकलमा सवार आदर्श कोतवाल गाउँपालिका १ च्युँटाँहाका गाउँका २० वर्षीय कृष्णनन्दन साहको मृत्यु भएको च्युँटाहा प्रहरी चौकीका इन्चार्ज प्रहरी नायब निरीक्षक रामप्रसाद साहले बताए । उनका अनुसार बरियारपुरदेखि पटेर्वासम्मको नयाँ कालोपत्रे भएको पूर्व–पश्चिम हुलाकी सडकमा दैनिक दुर्घटना भइरहेको छ ।

केही महिनाअघि कलैया–पिलुवा सडक खण्डमा एक कारले बाइकलाई ठक्कर दिँदा जितपुर सिमरा उपमहानगरपालिका १८, का युवक संजीव ढकालको घटनास्थमै मृत्यु भएको थियो । ‘नयाँ सडकहरू कालोपत्रे भएपछि सडक खुला पाएर तीब्र गतिमा गाडी चलाउँ दुर्घटना भइरहेको छ,’ प्रहरी नायब उपरीक्षक रञ्जितसिंह राठौरले भने, ‘दुर्घटना न्यूनीकरणका लागि बेलाबेलामा ‘सरपराइज’ जाँच भइरहेको छ ।’

पछिल्लो केही वर्षयता जिल्लाका विभिन्न ठाउँमा सडक निर्माणको कामले गति लिएपछि त्यस सडकमा गुड्ने सवारीहरू दुर्घटना हुँदा मृत्यु र घाइते हुनेको संख्या बढ्न थालेपछि स्थानीयहरू त्रसित भएका छन् । यस्तो दुर्घटना रौतहटको कटहरिया जोड्ने कलैया–मलाही सडक, हुलाकी मार्गअन्तर्गत उत्तर महेन्द्र राजमार्ग र दक्षिणमा दसगजा जोड्ने मानमत–मटिअर्वा, तामागढी–सिम्रौनगढ र मधेसको लाइफ लाइन पूर्व–पश्चिम जोड्ने हुलाकी मार्गमा यस्तो समस्या देखिएको हो ।

हुलाकी मार्गअन्तर्गत वीरगन्जको प्रतिमा चोकदेखि बरियारपुरसम्म जोड्ने सडक र कालोपत्रे भइरहेको बरियारपुरदेखि रौतहटको सिमानासम्म जोड्ने हुलाकी मार्गमा त्यस्तो समस्या देखिएको हो । उक्त सडकमा मसिनो गिट्टीओछ्याएर छाडिएकोले सवारी चिप्लेर दैनिक दुर्घटना भइरहेको छ ।

निर्माण कम्पनीले निर्माणको काममा प्रयोग गरिरहेको विभिन्न उपकरण, मालवाहक सवारी, निर्माणमा प्रयोग गरिने सामग्री, सामग्री राख्ने ड्रम, अन्य भाँडालगायतका सामान यत्रतत्र सडकमै जथाभावी छोड्नुले दुर्घटना जोखिम बढेको छ ।

सडक निर्माणमा संवेदनशील भएर काम नगर्दा र सावधानीका उपायहरू नपनाउँदा दुर्घटना भइरहेको छ । निर्माण कम्पनीको मनोमानी, अव्यवस्थित निर्माण प्रक्रिया र त्यसको अनुगमन गर्ने निकायको कमीले दुर्घटना जोखिम बढेको हो । यस्तो बेथितीले रातविरात सवारीमा आवागमन गर्नेहरूले झनै जोखिम मोल्नु परिरहेको छ ।

टिपरले १ को मृत्यु, १ घाइते
मंगलबार कलैयाबाट पिलुवा तर्फ जाँदै गरेको ना८ख ३१२९ नम्बरको टिपरले एक दम्पती सवार मोटरसाइकललाई ठक्कर दिंदा एक जनाको घटना स्थलमै मृत्यु भएको छ । अर्काको सिकिस्त अवस्थामा वीरगन्जको मेडिकल कलेजमा उपचार भइरहेको छ ।

व्यापारको सिलसिलामा नवलपरासी बस्दै आएका बाराको कलैया उपमहानगरपालिका २६ सिसवा महेशपुरकी ३५ वर्षीया खुश्बु नेसाको घटनास्थलमै मृत्यु भएको हो ।

उनका ४० वर्षीय पति जाकिर हुसेनको अवस्था चिन्ताजनक छ । मानमत(मटिअर्वा सडक खण्डको कलैयाबाट पिलुवा तर्फ जाँदै गरेको उक्त टिपरले कलैया उपमहानगरपालिका २४, श्रीपुर गाउँ नजिकै नवलपरासीबाट कलैया तर्फ आउँदै गरेको दम्पत्ति सवार ना१६प ९७५७ नम्बरको बाइकलाई ठक्कर दिएको थियो ।

टिपर र तिनका चालक कलैया– १६ निवासी सुरेन्द्र पटेल प्रहरी नियन्त्रणमा छन् । दुर्घटनापछि आक्रोसित स्थानीयले शवलाई सडकमा राखेर केहीबेर प्रदर्शन गर्दै यातायात अवरुद्ध गरेको थियो । दुर्घटना कम गर्न प्रहरी र ट्राफिकले तीब्र गतिमा चलाउने सवारीलाई नियन्त्रण नगरेको भन्दै उनहरूले प्रदर्शनगरेका थिए ।

प्रकाशित : जेष्ठ २३, २०७६ ०९:३१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT