ट्रकले किचेर आमाछोरीको मृत्यु

इँट्टा लोड गरी काठमाडौं आउँदै गरेको लु १ क ३५६४ नम्बरको ट्रकले किचेर ना २१ प ४७० नम्बरको मोटरसाइकलमा सवार कटहरिया नगरपालिका १ भषेडवाका ३५ वर्षीय सुगन्धिदेवी साह र उनका छोरी ३ वर्षीया अम्रिकाकुमारी साहको घटनास्थलमै मृत्यु भएका जिल्ला प्रहरीले जानकारी दिएको छ ।

सुगन्धि गर्भवति थिइन् । उनका श्रीमान् दिलीप साहले मोटरसाइकल चलाएका थिए । मोटरसाइकलमा श्रीमती छोरा र छोरी सवार थिए । दिलीप र छोरा सामान्य घाइते छन् । घटनास्थलमा ठूलो संख्यामा प्रहरी परिचालन गरिएको छ ।

ट्रक प्रहरीको नियन्त्रणमा रहेको जनाइएको छ । चालक फरार छन् ।