कमला नदीको बाढीमा घेरिए वृद्ध

कान्तिपुर संवाददाता

धनुषा — सिरहा सिमाना कमला नदीको बाढीमा घेरिएका छन् । पूर्व-पश्चिम महेन्द्र राजमार्गबाट करिब २ किलोमिटर उत्तरमा रहेको मन्दिरका ४५ वर्षीय पुजारी बेदरु मुखिय बाढीमा घेरिएका धनुषाका प्रमुख जिल्ला अधिकारी प्रदीप कँडेलले बताए ।  

कमलामा रहेकाे टापु जस्ताे स्थानकाे मन्दिरमा चारै तर्फबाट पानी प्रवेश गरेपछि मुखिया रुखमा चढेका छन् । पुजारी मुखियालाइ उद्धार गर्न नेपाली सेनाकाे टाेली पुगेकाे छ । पानीकाे बहाव उच्च भएकाे कारण पुजारीकाे उद्धार गर्न नेपाली सेनाकाे हेलिकप्टर मगाउने तयारी गरिएकाे छ । वर्षा भइरहेकाे कारण मुखियाकाे उद्धारमा समय लाग्न सक्ने प्रमुख जिल्ला अधिकारी कँडेललेे बताए ।

लगातारकाे अविरल वर्षाले कमला नदीमा बाढीकाे बहाव बढेकाे छ । कमला आसपासकाे वस्तीमा सतर्कता अपनाइएकाे सशस्त्र प्रहरी उपरीक्षक राजु पाण्डेले बताए ।

वर्षाका कारण जनकपुर जलमग्न बनेकाे छ । घर, पसल, कार्यालयमा पानी प्रवेश गरेकाे छ । पानी जाम भएकाे स्थानमा नगरपालिका र प्रहरीले काम गरिरहेकाे छ । जनकपुरकाे पुराना र गहिराे घरमा ३ फिट भन्दा बढी पानी जमेकाे छ ।

प्रकाशित : असार २७, २०७६ १३:२७
प्रतिक्रिया
पठाउनुहोस्

'आर यु स्योर'

कान्तिपुर संवाददाता

इन्स्टाग्राम केही समयदेखि धेरै तनावमा छ  । विशेषतः किशोरावस्थाका प्रयोगकर्ता बढी सक्रिय रहने फेसबुक स्वामित्वको यो प्लेटफर्मलाई अनलाइन बुली नियन्त्रण गर्नुपर्ने दबाब छ  ।

अनलाइनमा हुने बुलिङका कारण केही किशोरकिशोरीहरू डिप्रेसनको अवस्थामा पुगेको घटनाहरूपछि इन्स्टाग्रामलाई दबाब बढेको हो । इन्स्टाग्रामले ब्लगमार्फत सार्वजनिक गरेको जानकारीअनुसार कम्पनीले यस्ता बुली नियन्त्रणका लागि नयाँ टुलको विकास गरिरहेको छ । दुई चरणमा सार्वजनिक गरिने टुलले प्रयोगकर्तालाई बुलिङबाट बचाउने उद्देश्य राखेको छ । पहिलो टुलले इन्स्टाग्राममा कमेन्ट गर्ने प्रयोगकर्ताले कुनै दुरुत्साहित हुने शब्दहरू प्रयोग गरे पुनर्विचारका लागि आग्रह गर्नेछ । आर्टिफिसियल इन्टेलिजेन्सको प्रयोगमार्फत प्रयोगकर्ताले प्रयोग गर्न सक्ने दुर्व्याच्य तथा दुरुत्साहन गर्न सक्ने शब्द पहिचान गर्न सक्ने बनाइने इन्स्टाग्रामले जनाएको छ । कुनै प्रयोगकर्ताले अरूको पोस्टमा नराम्रा शब्दहरू प्रयोग गरी कमेन्ट गर्न लागे यो टुलले प्रयोगकर्तालाई आर यु स्योर भन्दै पुनर्विचारका लागि समय दिनेछ । दोस्रो चरणमा सुरु गरिने अर्को टुलले भने प्रयोगकर्ताको कमेन्टमा आएका नराम्रा शब्दसहितका टिप्पणीलाई स्वतः हटाउन सहयोग गर्नेछ ।

प्रकाशित : असार २७, २०७६ ११:५४
पूरा पढ्नुहोस्
प्रतिक्रिया
पठाउनुहोस्