श्रीमती हत्या आरोपमा पक्राउ

रासस

राैतहट — श्रीमतीको हत्यामा संग्लन रहेको आरोपमा प्रहरीले श्रीमान्‌लाई पक्राउ गरेको छ । राजपुर नगरपालिका–१ बस्ने २५ वर्षीय सन्तोष साह सोनारले श्रीमती लालमुनी देवीको हत्या गरेको माइती पक्षको भनाइ छ । 

दाइजो रकम कम ल्याएको भन्दै श्रीमान् सन्तोष, ससुरा राजेन्द्र साह सोनार र सासू प्रमिला देवीले घाँटी थिची हत्या गरेको माइती पक्षको आरोप छ । २०७३ पुस १३ गते बेलुका श्रीमान्, ससुरा र सासू मिलेर घाँटी थिची हत्या गरेको तर उनीहरुले घटनालाई आत्महत्या बनाउन बुहारी लालमुनी सुत्ने कोठाको पङ्खामा साडीको पासो लगाई नाटक गरेको भन्दै माइती पक्षले प्रहरीमा उजुरी दिएको थियो ।

आत्महत्या गरी लालमुनी गम्भीर घाइते भएको भन्दै गाउँलेलाई नै खबर नगरी उपचारका लागी वीरगञ्जतर्फ लैजानुले घटना रहस्यमय रहेको भन्दै भारत विहार जटौलिया–१२ बस्ने ५० वर्षीया किशोरी साहले प्रहरीमा उजुरी दिएको थियो । उजुरीका आधारमा ससुरा राजेन्द्र पक्राउ परे पनि अन्य दुई जना फरार रहेकामा सन्तोषलाई प्रहरीले पक्राउ गरेको छ ।

मोरङको बेलबारीमा लुकेर बसेको अवस्थामा प्रहरी टोलीले उनलाई पक्राउ गरेको हो । पक्राउ परेका सन्तोषलाई आवश्यक अनुसन्धानपश्चात् जिल्ला अदालतमा बुझाइएको जिल्ला प्रहरी कार्यालयले जनाएको छ ।

प्रकाशित : श्रावण १९, २०७६ १९:४९
प्रतिक्रिया
पठाउनुहोस्
ADVERTISEMENT

‘पूर्वाञ्चल विश्वविद्यालयको परीक्षा प्रणाली अपारदर्शी’

कान्तिपुर संवाददाता

विराटनगर — पूर्वाञ्चल विश्वविद्यालयको परीक्षा प्रणाली अपारदर्शी भएको विद्यार्थी र अभिभावकले आरोप लगाएका छन् । विश्वविद्यालयअन्तर्गत मोरङको गोठगाउँमा रहेको जीपी कोइराला कलेज अफ एग्रिकल्चर एन्ड रिसर्च सेन्टर (जीपीसीआर) मा अध्ययनरत विद्यार्थी र तिनका अभिभावकले पत्रकार सम्मेलन गरी उक्त आरोप लगाएका हुन् ।

गत मंसिरमा कलेजबाट चौथो सेमेस्टरमा अध्ययनरत विद्यार्थीले दिएको दोस्रो सेमेस्टरको परीक्षाको नतिजा अपेक्षाविपरीत आएपछि रि–चेकिङको माग गर्दा परीक्षा नियन्त्रण कार्यालयले रि–चेकिङको प्रावधान नभएको जनाएपछि विद्यार्थी र अभिभावक आक्रोशित भएका छन् ।

जीपीसीआर स्टुडेन्ट टिमका सल्लाहकार अनुप चापागाईंले दोस्रो सेमेस्टरको प्रिन्सिपल्स एन्ड प्राक्टिस अफ हर्टिकल्चर विषयको परीक्षाको नतिजामा ८ जना अनुत्तीर्ण भएको नतिजा आएको बताए ।

रि–टोटलिङ गर्दा वर्तमान ऐन कानुनविपरीत कबुलियतनामा गर्नुपर्ने दबाब सम्बन्धित कार्यालयले आफूहरूलाई दिएको विद्यार्थीहरूको भनाइ छ ।

पाँच दर्जन बढी विद्यार्थीसँगै अभिभावकहरूको उपस्थितिमा गरिएको पत्रकार सम्मेलनमा अभिभावक मोहन कार्कीले त्रिभुवन र पोखरा विश्वविद्यालयले रि–चेकिङलाई अंगिकार गरिसकेको अवस्थामा पीयूले मनोमानी गर्दै आएको बताए ।

प्रकाशित : श्रावण १९, २०७६ १९:२८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT