नुवाकोटमा भेट्टिएको प्रेसरकुकर बम सेनाद्वारा निष्क्रिय

गंगटे–ढिकुरे–माछापोखरी खण्डको माथिल्लो शेराको बीच सडकमा बम फेला परेको हो । देवीघाटबाट गएको श्रीनाथ गणको डिस्पोजल टोलीले बम निष्क्रिय बनाएको हो ।

सदरमुकाम विदुरबाट बम राखिएको स्थान १० किलोमिटर पूर्व पर्छ । पौने १० बजे सेनाले उक्त प्रेसर कुकर बम विष्फोट गराएपछि यातायात सुचारु भएको छ । विप्लव नेतृत्वको नेपाल कम्यूनिष्ट पार्टी आव्हान गरेको बन्दलाई लक्षित गरेर बम राखिएको हुनसक्ने जिल्ला प्रहरी प्रमुख एसपी बसन्तबहादुर कुँवर बताए । बम राखिएको स्थानमा राष्ट्रिय युवा जनस्वयंसेवक केन्द्रिय समितिको आइतबार विराटनगरमा गरिएको कार्यक्रमको पर्चा भेट्टिएको थियो ।