खाजा र यातायात खर्च माग्दै वडा सदस्य
नुवाकोट — विदुर नगरपालिकाका वडा सदस्यहरुले खाजा र यातायात खर्च माग गरेका छन् ।
बुधबार विदुर नगरपालिका वडा नम्बर ४का वडा सदस्य वसन्त रिजाल नेतृत्वको टोलीले नगरपालिका मेयर सन्जु पण्डितलाई कार्यकक्षमै भेटेर ज्ञापनपत्र बुझाएका हुन् ।
प्रदेश नम्बर ३ ले वडा सदस्यको सेवा सुविधाको बारेमा ठोस निर्णय गरोस् भनेर मुख्य मन्त्रीलाई नै सम्बोधन गरेर मेयर पण्डितलाई ज्ञापनत्र बुझाएको उनीहरुले बताए ।
नगरवासीको हकहितका कार्य गर्ने वडा सदस्यहरुको उचित कदर नभएको उनीहरुको गुनासो छ ।
ज्ञापनपत्रमा भनिएको छ,‘वडा सदस्यहरुलाई सम्बोधन गरी उचित खाजा खर्च, यातायात खचउ उपलब्ध गराईयोस् ।’ विदुर नगरपालिकाका १३ वटा वडाहरुमा ५२ जना वडा सदस्य छन् ।
प्रकाशित : चैत्र २१, २०७४ १५:४०