बाढीले खानेपानी योजना बगाएपछि समस्या
रामेछाप — बाढीले खानेपानी योजना बगाउँदा रामेछापको बाबियाखर्कका २५ परिवारले पानीको संकट व्यहोर्नु परेको छ । खानेपानी जुटाउन वितिटार र आरुबोटे क्षेत्रका बासिन्दालाई सोमबारदेखि कठिनाइ भोग्नु परको छ ।
आइतबार साँझ परेको मुसलधारे वर्षा सँगै सिम्लेखोलामा आएको बाढीले सानाबारी वितिटार खानेपानीको संरचनाब गाएको थियो । इन्टेक र पाइप लाईन क्षतविच्छेद भएकोले स्थानीयले पानीको सास्ती भोग्नु परेको हो ।
स्थानीय बद्री नयाँघरेका अनुसार दुईदशक यताकै सबैभन्दा धेरै गतिमा खोला उर्लिएकाले खानेपानी संरचनामा क्षति पुर्याएको हो ।
योजनामा पुगेको क्षतिको जानकारी डिभिजन खानेपानी कार्यालयलाइ गराइसकेको उनले बताए । गएको वर्ष मात्र योजनाको काम पुरा भएको थियो ।
आइतबार परेको वर्षाले बाबियाखर्क क्षेत्रमा कृषिबालीलाई समेत नोक्शान पुर्याएको छ । धेरै जमिन बाढीले चिरा पारेर बगाएको छ । मुसलधारे वर्षापछि सुकाजोर खोलामा समेत बाढी आएको थियो ।
प्रकाशित : जेष्ठ २८, २०७५ १७:४४