बजेट कार्यान्वयन योजना बनाइने
हेटौंडा — प्रदेश ३ का मुख्यमन्त्री डोरमणि पौडेलले प्रदेशले प्रस्तुत बजेट कार्यान्वयन गर्न ३ साताभित्र कार्ययोजना बनाउन प्रदेश मन्त्री एवं सचिवलाई निर्देशन दिएका छन् ।
प्रदेशको ३ को नीति तथा योजना आयोगको सोमबार बसेको पहिलो बैठकलाई मुख्यमन्त्री एवं नीति तथा योजना आयोगका अध्यक्षसमेत रहेका पौडेलले सबैखाले तथ्यांक संकलन गरेर कार्य योजना बनाउनुपर्ने बताए ।
‘नीति र कार्यक्रमको आधारमा बजेट प्रस्तुत गरिएकाले त्यसकै आधारमा कार्ययोजना बनाएर कार्यान्वयनको पाटोमा खरो ढंंगले उत्रनुपर्छ,’ उनले भने । बजेट कार्यान्वयन गर्न जनशक्ति र कानुनको अभाव छ यसलाई परिपूर्ति गर्दै अगाडि बढ्नु प्रदेश सरकारको एक मात्र विकल्प रहेको आंैल्याए । प्रदेश ३ को नीति तथा योजना आयोगले संघीय सरकार, दातृ संस्थालगायतसँग छलफल गर्ने र बजेटलाई कार्यान्वयन गर्न सरोकारवाला सबैको सहयोग आवश्यक पर्ने उनले बताए ।
कार्यक्रममा नीति तथा योजना आयोगका उपाध्यक्ष डा.खिमलाल देवकोटाले योजना आयोगले बजेटलाई कार्यान्वयन र गराउन एवं योजनाहरू प्राथमिकरण गरेर अगाडि बढ्ने बताए ।
आयोगको पहिलो बैठकमा आन्तरिक तथा कानुन, आर्थिक मामिला तथा योजना र सामाजिक विकास मन्त्री, प्रदेशमा मुख्य सचिव, सचिव र आयोगका सदस्यहरूको सहभागिता थियो ।
प्रकाशित : असार ५, २०७५ ०९:१७