नयाँ भवनमा महिला तथा बालबालिका सेवा केन्द्र

आधुनिक नयाँ भवन निर्माण भए सँगै हिंसामा परेका पीडित महिलाहरुलाई बस्नको लागि सहज हुने भएको छ ।

हिंसामा परेका पीडित महिलाहरुलाई राख्न अहिलेसम्म रसुवा जिल्लामा भवन बनेको थिएन । एसियाली विकास बैंक (एडीबी) र नेपाल सरकारको संयुक्त लगानीमा आधुनिक भवन निर्माण गरिएको हो ।

१ करोड ४३ लाख ८८ हजार ४९ को लागतमा भवन निर्माण सम्पन्न भएको हो । हिंसामा परेर परिवारसँग अलग रहेको महिलाहरु पुर्नस्थापीत नहुनजेल सम्म आश्रय दिएर राख्नका लागि भवन निर्माण गरिएको जिल्ला प्रहरी कार्यालय रसुवाका प्रहरी नायब उपरीक्षक शरतकुमार थापा क्षेत्रीले बताए ।

नवनिर्मित भवनमा सुत्ने कोठा, भान्सा कोठा, डाइनिङ हल, तालिम हल, कुरुवा कक्ष, स्टाफ कक्ष, शौचालय लगायतका सुविधा सम्पन्न १४ वटा कोठाहरु रहेका छन् ।