अवरुद्ध सडक खुल्यो
रसुवा — पहिरोको कारण बुधबार साँझदेखि अवरुद्ध रहेको पासाङ ल्हामुर्माग सञ्चालनमा आएको छ ।
कालिका गाउँपालिका–१ राम्चेमा बुधबार साँझ पहिरो जाँदा पासाङ ल्हामुमार्ग अवरुद्ध भएको थियो । पहिरो हटाएपछि बिहीबार दिउँसोबाट पासाङ ल्हामुर्मागमा यातायात सञ्चालन भएको प्रमुख जिल्ला अधिकारी कृष्ण पौडेलले बताए ।
बुधबार साँझ सडक माथिबाट आएको पहिरोले ना ६ ख ७५९० नम्बरको कन्टेनर र बा १२ च २७३५ नम्बरको बोलेरो गाडीमा क्षति पुर्याएको थियो ।
पहिरो गएसँगै राजमार्ग अवरुद्ध भएपछि केरुङबाट सामान बोकेर काठमाडौंतर्फ जाने कन्टेनर र काठमाडौंबाट आउने सवारी साधन बाटैमा रोकिएका थिए ।
प्रकाशित : असार १४, २०७५ १४:११प्रतिक्रिया