करेन्ट लागेर वृद्धको मृत्यु
धादिङ — करेन्ट लाग्दा आइतबार एक वृद्धको मृत्यु भएको छ । सदरमुकामको पहरेचौतारा निवासी ६७ वर्षीय केशव अधिकारीको करेन्ट लागेर घटनास्थलमै मृत्यु हो । गत २० गते बिहान पनि सदरमुकामका पुछारबजार निवासी ५२ वर्षीय समाजसेवी अर्जुन श्रेष्ठको मृत्यु भएको थियो ।
भूकम्पपछि थोपलखोला किनारमा टहरामा कान्छी श्रीमतीसँग बस्दै आएका मृतक अधिकारी नजिकैको खेतमा विद्युतीय मोटरबाट पानी तानेर रोपाइँ गर्ने तर्खरमा थिए । घरबाट मोटरमा बिजुली जोड्ने क्रममा करेन्ट लागेर उनको खेतमै मृत्यु भएको प्रहरीले जनाएको छ ।
जिल्ला प्रहरीका अनुसार जिल्लामा करेन्ट लागेर चालु आर्थिक वर्षमा ७ जनाको मृत्य भइसकेको छ ।
प्रतिक्रिया