दुई डोजरमा आगजनी
नुवाकोट — बेलकोटगढी नगरपालिका–९ स्थित देवीस्थानमा अज्ञात समूहले दुईवटा डोजर जलाएका छन् ।
जिलिङ–दुई पिपल सडक निर्माणका लागि भित्री सडक खण्डमा राखिएका नागार्जुन कन्स्ट्रक्सन प्रालिको कोमुत्सु र डोजन कम्पनीका दुई डोजर अपरिचित समूहले जलाएको प्रहरीले जनाएको छ । डोजर विदुर नगरपालिका–५ पिपलटारका रामबाबु जिसीको हो ।
डोजर पूर्ण रुपमा क्षति भएको कन्स्ट्रक्सनका जिसीले बताए । आगजनी गर्नेको खोजी भइरहेको जिल्ला प्रहरी प्रमुख एसपी वसन्तबहादुर कुँवरले बताए ।
प्रकाशित : श्रावण ८, २०७५ १७:१३