रामेछापमा सरकार विरुद्ध कांग्रेसको प्रदर्शन
रामेछाप — सरकारको विरोध गर्दै नेपाली कांग्रेसले रामेछापमा प्रदर्शन गरेको छ । सरकार विरुद्ध चर्का नाराबाजी गर्दै जुलुसले बजार परिक्रमा गरेको थियो ।
कांग्रेस कार्यकर्ताले शान्तिपूर्ण जुलुस गरेपनि प्रहरी नायव उपरीक्षक सहित ठूलो संख्यामा प्रहरी परिचालन गरिएको छ । प्रहरीको जिल्ला नेतृत्व आफैं जुलुस नियन्त्रणका लागि हिँडेको यो पहिलो हो ।
जुलुस पछि देवकोटा चोकमा आयोजित कोण सभामा कांग्रेसका नेताहरुले केपी ओली सरकारका क्रियाकलाप प्रति तीब्र आक्रोश पोखेका थिए । जिल्ला सभापति लवश्री न्यौपानेको अध्यक्षतामा भएको विरोध सभामा कांग्रेस नेता रामचन्द्र खड्का लगाएत दर्जनौं जिल्लास्तरका नेता सहभागी थिए ।
प्रकाशित : श्रावण १५, २०७५ १३:४०