रामेछापमा सरकार विरुद्ध कांग्रेसको प्रदर्शन

टीकाप्रसाद भट्ट

रामेछाप — सरकारको विरोध गर्दै नेपाली कांग्रेसले रामेछापमा प्रदर्शन गरेको छ । सरकार विरुद्ध चर्का नाराबाजी गर्दै जुलुसले बजार परिक्रमा गरेको थियो । 

कांग्रेस कार्यकर्ताले शान्तिपूर्ण जुलुस गरेपनि प्रहरी नायव उपरीक्षक सहित ठूलो संख्यामा प्रहरी परिचालन गरिएको छ । प्रहरीको जिल्ला नेतृत्व आफैं जुलुस नियन्त्रणका लागि हिँडेको यो पहिलो हो ।

Yamaha

जुलुस पछि देवकोटा चोकमा आयोजित कोण सभामा कांग्रेसका नेताहरुले केपी ओली सरकारका क्रियाकलाप प्रति तीब्र आक्रोश पोखेका थिए । जिल्ला सभापति लवश्री न्यौपानेको अध्यक्षतामा भएको विरोध सभामा कांग्रेस नेता रामचन्द्र खड्का लगाएत दर्जनौं जिल्लास्तरका नेता सहभागी थिए ।

प्रकाशित : श्रावण १५, २०७५ १३:४०
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

कांग्रेसको विरोध र्‍याली

कान्तिपुर संवाददाता

बागलुङ — सरकारका कदम विरुद्ध देशव्यापी विरोध गर्ने कार्यक्रम अनुसार बागलुङमा पनि कांग्रेसले प्रवर्द्धन गरेको छ ।

मंगलबार कार्यकर्ताहरुले नाराबाजी गर्दै बजार परिक्रमा गरेका थिए । उनीहरुले सरकार अधिनायकवादी भएको आरोप समेत लगाए । ‘जनताको जिविका चलाउन धौधौ पर्ने गरी मूल्य बृद्धि गरिएको, अपराधीलाई छुटकारा दिएको लगायतको विरोधमा हामीले आन्दोलन गरेका हौ,’ सभापति दीपेन्द्रबहादुर थापाले भने, ‘बहुदलीय गणतन्त्र मानेको सरकारले संसदीय मर्यादालाई समेत ठाडो उल्लंघन गरेकोले सम्झाउनु परेको हो ।’

उनीहरुले मूल्य बृद्धिको विरोध गरेका थिए । साथै बलात्कारीलाई कडा कारबाहीको माग, सत्याग्रहीको सम्मान गर्न पनि भनेका थिए । र्‍याली पछिको कोणसभामा जिल्लास्तरीय नेताहरुले सरकारको ‘रबैया’ कायम राखेमा चरणवद्ध आन्दोलन गर्न बाध्य हुने समेत बताए । नेता तथा कार्यकर्ताले सरकारका विवादित कामबारे चर्को आलोचना पनि गरेका थिए ।

प्रकाशित : श्रावण १५, २०७५ १३:३७
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT