खिम्ती–फर्पु सडक मर्मतका लागि पुगेको डोजर (स्काभेटर)लाई शनिबार अपराह्न बाढीले पल्टाएको छ । डोचर चालकलाई सकुशल उद्धार गरिएको छ । डोजर भने अझै निकालिएको छैन । उक्त सडक खण्ड शुक्रबार रातिको बाढीले अवरुद्ध बनाएको थियो ।
कमलानदी नदी तर्ने क्रममा बगाएर एकको मृत्यु भएको छ । शुक्रबार कमलानदी पारी निपानेको जंगलमा गोठाला गएका दूधौली नगरपालिका-२ टोटराका ६५ वर्षीय मलेसी दनुवारको फर्कने क्रममा बगाएर मृत्यु भएको प्रहरीले जनाएको छ । मृतकको शव शनिबार फेला परेको हो वडा नं १ को विचित्रमा नदी किनारमा फेला परेको थियो ।
शुक्रबार खसेको पहिरोबाट शनिबार बिहान पनि लेदो बग्दा पृथ्वी राजमार्ग अवरुद्ध भएको छ । गल्छी गाँउपालिका–७ को उकालो मोडमा रातो र चिप्लो माटो बगेपछि ३ घण्टा देखि यातायात ठप्प भएको हो ।
मकवानपुरमा मात्र बसोबास रहेको लोपोन्मुख वनकरिया समुदायको आवास निर्माणमा प्रदेश ३ सरकारले चासो देखाएको छ । मुख्यमन्त्री डोरमणि पौडेलले मनहरी गाउँपालिका ४ मा बस्दै आएका वनकरियालाई सुरक्षित स्थानमा नमुना घर बनाइदिने योजना सुनाए ।
आकाशमा कालो बादल मडारिनासाथ आँधीसारा बासिन्दाको होस गुम्छ । मुसलधरे पानी पर्यो भने उनीहरू कहिल्यै सुत्दैनन् । सबैमा त्रास हुन्छ, कतै सलल बगाउने त होइन ?गोलन्जोर गाउँपालिका भीमेश्वर आँधीसारामा पहिरोका कारण दर्जनौं घर जोखिममा छन् ।
एक सातादेखि अवरुद्ध चीनसँगको प्रमुख व्यापारिक नाका रसुवागढी जोडने धुन्चे–रसुवागढी सडक अझै सुचारु हुन सकेको छैन । पासाङल्हामु मार्गको त्रिशूली खोलानजिकै दायाँबायाँ पहिरो जाँदा उक्त सडक खण्ड एक सातादेखि अवरुद्ध भएको हो ।
काठेखोला–३ धम्जाकी हुमा बिकले गरिब परिचयपत्र फिर्ता गरेकी छन् । भारतीय सेनाका अवकास प्राप्त श्रीमानको पेन्सनले आफूलाई खान–लाउन पुगेको भन्दै फिर्ता गरेकी हुन् ।
१८.१२°C काठमाडौं
