पहिरोले पृथ्वीराजमार्ग आज पनि अवरुद्ध 

हरिहरसिंह राठौर

गल्छी (धादिङ) — शुक्रबार खसेको पहिरोबाट शनिबार बिहान पनि लेदो बग्दा पृथ्वी राजमार्ग अवरुद्ध भएको छ । गल्छी गाँउपालिका–७ को उकालो मोडमा रातो र चिप्लो माटो बगेपछि ३ घण्टा देखि यातायात ठप्प भएको हो ।

शुक्रबार बिहान करिब ४ घण्टा सडक जाम गरेको उक्त पहिरोले बगाएको रातो माटोले सवारी साधनहरु चिप्लिने गरेका थिए ।

Yamaha

राजमार्ग अवरुद्ध भएपछि सवारीसाधनको लामो लाइन लागेको छ । अवरुद्ध राजमार्ग सुचारु गर्न दुवैतर्फ सडक डिभिजन कार्यालयका २ वटा लोडर र डोजर प्रयोग गरिएको गजुरी स्थित जिल्ला ट्राफिक प्रहरी इन्चार्ज हेमराज घिमिरेले बताए ।

Esewa Pasal

प्रकाशित : भाद्र ९, २०७५ १३:२९
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

किशोरी हत्या प्रकरणः भीमदत्तमा आज पनि कर्फ्यू कायमै

भवानी भट्ट

कञ्चनपुर — जिल्ला प्रशासन कार्यालय कञ्चनपुरले भीमदत्त नगरपालिकाको ४ र १८ नम्बर वडामा शुक्रबार रातिदेखि लगाएको कर्फ्यू शनिबार पनि कायमै छ । १३ वर्षीया किशोरीको बलात्कारपछि हत्या गर्नेको सहि पहिचान गरी कारबाही गर्न माग गर्दै गरिएको आन्दोलन एकाएक हिंसात्मक बनेपछि स्थानीय प्रशासनले शुक्रबार राति ८ बजेदेखि अनिश्चितकालीन कर्फ्यू जारी गरेको थियो । 

स्थानीय प्रशासनले आन्दोलनबाट जनधनको क्षति नहोस् भनेर कर्फ्यू लगाएको जनाएको छ । आज कर्फ्यू लगाइएको क्षेत्रका स्थानीय घरबाट बाहिरन निस्कन नपाएपछि जनजीवन प्रभावित बनेको छ ।

स्थानीय प्रशासन ऐन २०२८ को दफा १६ ‘क’ बमोजिम कर्फ्यू जारी गरिएको प्रजिअ खड्काले जानकारी दिए ।

शुक्रबार जिल्ला प्रशासन कार्यालयमा बसेको सुरक्षा निकायको बैठकले पूर्वमा भीमदत्त नगरपालिका-१८ को जनज्योति चोक भासी हुँदै कारागारसम्म, पश्चिममा भीमदत्त नगरपालिका-६ को त्रिपुरा युवा क्लव बनगाउँदेखि वडा नं-१५ को निंगलाशैनी स्कुलसम्म, उत्तरमा खैरानी चोक र दक्षिणमा सीप विकास केन्द्रदेखि मदन भण्डारी स्कुलसम्म कर्फ्यू लगाउने निर्णय गरेको थियो

आन्दोलनले स्थिति उग्र बनेपछि स्थानीय प्रशासनको पहलमा शनिबार बिहान सर्वदलीय बैठक बोलाइएको छ । जिप्रकामा बैठक जारी छ । बैठकमा सुरक्षा निकाय प्रमुख, राजनीति दल, नागरिक समाज, विभिन्न सङ्घ संस्थाका प्रमुख एवं प्रतिनिधि सहभागी छन् ।

कञ्चनपुरको भीमदत्त नगरपालिका–२ उल्टाखामकी १३ वर्षीया किशोरीको बलात्कारपछि हत्या भएको घटनामा प्रहरीले दोषीलाई उम्काउने कोशिस गरेको भन्दै स्थानीयले गत मंगलबारदेखि प्रदर्शन गरिरहेका छन् ।

प्रकाशित : भाद्र ९, २०७५ १२:४८
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT