५ दिनदेखि नुवाकोटका ६ वटा गाउँपालिका अन्धकार 

कृष्ण थापा

नुवाकोट — विद्युत प्राधिकरण त्रिशूली वितरण शाखाको लापरबाहीका कारण पाँचदिनदेखि जिल्लाको पूर्वीभेग अन्धकार भएको छ । 

बिहीबार बिहान लिखुगाउँपालिका १ खहरेमा करेन्ट लागेर एक महिलाको मृत्यु र दुई घाईते भएपछि विद्युत अवरोध भएको थियो ।

Yamaha


देवीघाट चौघडा जाने सबस्टेसन ३३ हजार केभी लाइनमा परेर पैदल यात्री तुलसा अधिकारीको मृत्यु भएको थियो भने दुई जना अझै काठमाडौको ग्राण्डी अस्पतालमा उपचारार्थ छन् ।

५ दिनदेखि वितरण शाखाले विद्यूत लाईन मर्मत सम्भार ढिलाई गरेपछि माथिल्लो भेग लिखु, तादी, शिवपुरी, पन्चकन्या, दुप्चेश्वर र सूर्यगढीगाउँपालिका अन्धकार छ ।

मध्यपहाडी लोकमार्गको ढिकुरे–बराफेदीस्थित उक्त खहरे खोलामाथि हालिएको पक्कीको समेत असरले बिजुलीको पोलमा क्षति पुगेको स्थानीयको आरोप छ ।

उक्त खोलामाथि हालिएको पुल साँघुरो, पुल वरिपरि संरक्षण वाल नलगाएकाले बिजुलीको पोलमुनि भेलले माटो बगाएको थियो ।

पोलवरिपरिको माटो बगाएपछि पुल ढल्किएको स्थानीयले बताए । पोल ढल्केको जानकारी समयमा दिँदा समेत विद्युत वितरण केन्द्र त्रिशूली शाखाले अटेर गरी दुर्घटना भएको स्थानीय यादव पाण्डेले बताए । बिजुली नभएपछि ती गाउँपालिकाहरु सञ्चारविहीन भएका छन् ।

प्रकाशित : भाद्र ११, २०७५ १३:३५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT

गाडीको ठक्करले मृत्युपछि ओखरपौवा तनावग्रस्त, पहिराेले प्रहरी टाेली बाटाेमै राेकियाे

कृष्ण थापा

नुवाकोट — ककनीगाउँपालिका–१ ओखरपौवामा फोहोर बोक्ने गाडीको ठक्करबाट एक जनाको मृत्यु भएपछि उक्त क्षेत्र अहिले तनावग्रस्त बनेकाे छ ।

सोमबार बिहान पाैने ८ बजेतिर बा २ ख ६११८ नम्बरकाे गाडीकाे ठक्करबाट अाेखरपाैवास्थित महालक्ष्मीस्थानमा स्थानीय ४५ वर्षीय पदम बलामीको मृत्यु भएको डिएसपी भीम भट्टराईले जानकारी दिए। अहिले फोहोर फाल्न गएका गाडीहरुलाई स्थानीयले रोकेका छन् भने ओखरपौवा तनावग्रस्त बनेको छ।

आक्रोशित स्थानीयले उक्त टिपरको सिसा फुटालेको प्रहरीले जनाएको छ । टिफर चालक फरार छन् । घटनास्थलमा सयाै‌काे संख्यामा भेलाभएका मृतकका आफन्त र गाउँहरुले सडक जाम गरेका छन् ।
जिल्लाबाट गएको प्रहरी टोली पासाङ ल्हामुमार्गको ककनीगाँउपालिका–१ चिसोधारामा माथिबाट खसेको पहिरोले सडक अवरुद्ध भएका कारण रोकिएको छ । उक्त सडक खुलाउने प्रयास भैहरेको छ । स्थिति साम्य पार्न काठमाडौंदेखि समेत प्रहरी परिचालन गरिएको छ ।

काठमाडौं उपत्यकाको फोहोर १३ वर्षदेखि ओखरपौवाको सिसडोलमा फालिंदै आएको छ। दैनिक ८० भन्दा बढी गाडी सिसडोलमा फोहोर फाल्न जाने गर्छन्।

प्रकाशित : भाद्र ११, २०७५ ०९:०९
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT
ADVERTISEMENT