टिपर दुर्घटनामा एकको मृत्यु

हरिहरसिंह राठौर

धादिङ — गएराति पृथ्वी राजमार्गमा भएको टिपर दुर्घटनामा परी एक जनाको मृत्यु भएको छ भने एक बेपत्ता छन् । टिपरमा सवार अन्य तीन जना भने घाइते छन् ।

गजुरी गाउँपालिका–६ स्थित पोखरे खोलामा काठमाडौंबाट मुग्लिनतर्फ जाँदै गरेको बा४खा७७८१ नम्बरको टिपर अनियन्त्रित भई सडकबाट करिव २०० मिटर तल खसी त्रिशुली नदीमा बेपत्ता भएको देवीदत्त गण गजुरीले जनाएको छ ।

Yamaha


मृत्यु हुनेमा टिपरमा सवार गजुरी गाउँपालीका बस्ने २२ वर्षीय केशर पुलामी रहेका छन् । दुर्घटनास्थलबाट उद्दार गरी उपचारका लागि लैजाँदै गर्दा पुलामीको बाटोमा नै मृत्यु भएको प्रहरीले जनाएको छ ।

यस्तै सोही स्थान बस्ने अन्दाजी २१ वर्षका रामकृष्ण भुजेल बेपत्ता भएका छन् । टिपरका चालक श्याम मगर र टिपरमा सवार अन्य दुई जनाको भने गजुरी अस्पतालमा उपचार भइरहेको छ । टिपरमा सवार सबै गजुरी गाउँपालिका-६का रहेको खुलेको छ ।

प्रकाशित : भाद्र १३, २०७५ ११:२५
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

शुक्रबारदेखि खसेको पहिरो रोकिएन, आज पनि  पृथ्वीराजमार्ग अवरुद्ध 

हरिहरसिंह राठौर

धादिङ — गत शुक्रबारदेखि निरन्तर गएको पहिरोले सोमबार साँझ पनि पृथ्वीराजमार्ग पूर्ण रुपमा अवरुद्ध भएको छ । गल्छी गाउँपालिका–७ को उकालो मोडमा रातो र चिप्लो बगेपछि यातायात ठप्प भएको हो । 


गत शुक्रबार बिहान पनि करिव ४ घण्टा सडक जाम गरेको उक्त पहिरोले शनिबार पनि दिनभर सवारी जाम गरेको थियो। निरन्तर परेको वर्षातले बगाएको पहिरोसँगै आएको रातो माटोमा सवारीसाधनहरु चिप्लिने गरेका छन्।

राजमार्ग अवरुद्ध भएपछि निकै लामो सवारीको लाइन लागेको छ। अवरुद्ध राजमार्ग सुचारु गर्न दुवैतर्फ सवारीसाधनहरु विभिन्न स्थानहरुमा रोकेर सडक डिभिजनका २ वटा लोडर र डोजर प्रयोग गरिएको गजुरी सडक डिविजनका इन्जिनियर हरि ठकुरी बताउँछन्।

प्रकाशित : भाद्र ११, २०७५ २१:१३
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT