बसको ढोकाबाट खसेर वृद्धको मृत्यु

प्रताप विष्ट

हेटौडा — यात्रुबाहक बसको ढोकाबाट खसेर एक वृद्धको बिहीबार मृत्यु भएको छ । 

ठिंगनवाट हेटौडातर्फ आइरहेको ना ३ ख २९८४५ नम्बरको बसको ढोकाबाट खसेर मकवानपुर गढी गाउँपालिका–२ का ६० वर्षीय प्रेमबहादुर भुजेलको मृत्यु भएको हो ।
बसको ढोकाबाट खसेर घाइते भएका भुजेलको चुरेहिल अस्पतालमा उपचार गर्ने क्रममा मृत्यु भएको प्रहरी नायब उपरीक्षक नरेशकुमार सिंहले बताए ।

प्रकाशित : भाद्र २८, २०७५ १६:१६
प्रतिक्रिया
पठाउनुहोस्

नेपाली फुटबल टोली स्वदेश फर्कियो

रासस/याेन्हाप

काठमाडौँ — बङ्गलादेशको ढाकामा जारी साफ च्याम्पियनसिप प्रतियोगिताको सेमिफाइनलबाट पराजित नेपाली राष्ट्रिय टोली बिहीबार स्वदेश फर्किएको छ । 

त्रिभुवन अन्तर्राष्ट्रिय विमाानस्थलमा बिहीबार स्वेदश फर्किएको नेपाली फुटबल टोली । तस्बिरः हेमन्त श्रेष्ठ / कान्तिपुर

नेपाली टोली ११ः३० बजे त्रिभुवन अन्तर्राष्ट्रिय विमानस्थल आइपुगेको हो। बङ्गलादेशमा भएको साफको १२‌औँ संस्करणमा सहभागिता जनाएको नेपाल सेमिफाइनलमा माल्दिभ्ससँग पराजित हुँदै घर फर्किएको हो।

समूह विजेताका रुपमा अन्तिम चारमा प्रवेश गरेको नेपालले सेमिफाइनलमा माल्दिभ्ससँग ३-० को हार व्यहोरेको थियो। समूह चरणमा नेपालले बङ्गलादेश र भूटानमाथि शानदार जीत निकालेको थियो भने पाकिस्तानसँग पराजित भएको थियो।

अखिल नेपाल फुटबल सङ्घ (एन्फा)का पदाधिकारी र खेल प्रशंसकहरुले नेपाली खेलाडीलाई स्वागत गर्न त्रिभुवन अन्तर्राष्ट्रिय विमानस्थल पुगेका थिए। समूह चरणमा श्रीलङ्कासँग गोलरहित बराबरी खेलेका माल्दिभ्स भारतसँग २-० ले पराजित भएको थियो।

श्रीलङ्का पनि भारतसँग २-० ले नै पराजित भएपछि सेमिफाइनलका लागि भएको गोलाप्रथामा माल्दिभ्सले बाजी मारेको थियो। समूह चरणको खेलमा एक गोल पनि नगरी सेमिफाइनलमा आएको माल्दिभ्सले सेमिफाइनलमा नेपाललाई तीन गोल गरेको हो।

प्रकाशित : भाद्र २८, २०७५ १५:५९
पूरा पढ्नुहोस्
प्रतिक्रिया
पठाउनुहोस्