शिशु हत्या आरोपमा आमा पक्राउ

आश्विन ८, २०७५कृष्ण थापा

नुवाकोट — अवैध गर्भधारणबाट जन्मिएको शिशुकाे हत्या गरेकाे आरोपमा आमालाई पक्राउ गरिएको छ । सूर्यगढी गाउँपालिका–१ स्थित भगेरीमा परपुरुषसँग सम्पर्क पछि जन्मिएकाे शिशु मारेको आरोपमा २२ वर्षीया सम्झना व्लोन तामाङ पक्राउ परेकी हुन ।

तामाङका श्रीमान् विजय मुक्तान वैदेशिक रोजगारीका सिलसिलामा साउदीमा छन् । उनले आफ्नै घरको शौचालयभित्र शिशु जन्माएर हत्या गरेको प्रहरीले जनाएको छ । मृतक शिशुलाई घरदेखि १ सय मिटर डाँडामा खाल्टोमा पुरेकी थिइन् ।