ट्रक दुर्घटनामा दुईको मृत्यु, एक सख्त घाइते
सिन्धुली — बीपी राजमार्गअन्तर्गत सिन्धुलीको कमलामाइ नगरपालिका २ को पिपलभन्ज्याङ मुनी ट्रक दुर्घटना हुँदा चालक र सहचालकको मृत्यु भएको छ । अर्का एक यात्री गम्भीर घाइते भएका छन् ।
काठमाडौंबाट पूर्व हिँडेको बा २ क २२९७ नं ट्रक दुर्घटनामा परेको हो । दुर्घटनामा चालक धादिङ गजुरी गाउँपालिका ५ का लोकबहादुर मगर र सहचालक सप्तरीको सप्तकोसी नगरपालिकाका भोजबहादुर आचार्यको मृत्यु भएको प्रहरीले जनाएको छ ।
सप्तकोसी नगरपालिकाकै गम्भीर घाइते १७ वर्षीय लक्ष्मण परियारलाई उपचारको लागि धुलिखेल लगिएको छ ।
ट्रक सडकबाट करिब ३० मिटर तल खसेको थियो ।