नेकपा नुवाकोटको पार्टी कार्यालय स्थापना
नुवाकोट — नेपाल कम्युनिष्ट पार्टी नुवाकोटको भवनको उद्घाटन गरिएको छ । नेकपा एमाले र नेकपा (माओवादी केन्द्र) एक भएपछि बिहीबार विदुर ४ स्थित पार्टी भवनको प्रदेश ३ का इञ्चार्ज अष्टलक्ष्मी शाक्यले उद्घाटन गरेकी हुन् ।
उक्त कार्यालय भनव पार्टी एकजुट हुनुअघि एमाले पार्टी कार्यालयको नाममा रहेको थियो । उद्घाटन कार्यक्रममा सहइन्चार्ज हितबहादुर तामाङ, सचिव आनन्द पोख्रेल, प्रतिनिधिसभाका सांसद नारायणप्रसाद खतिवडालगायतको उपस्थिति थियो ।
कार्यक्रममा कार्यकर्तालाई दसैंको शुभकामना आदानप्रदानसमेत गरिएको थियो ।