साढे चार लाखसहित २३ जुवाडे पक्राउ

उनीहरुको साथबाट चार लाख ५५ हजार ९५० रुपैयाँ नगद बरामद भएको चितवन जिल्ला प्रहरी कार्यालयका प्रवक्ता रहेको प्रहरी नायब उपरीक्षक (डिएसपी) दुर्गाराज रेग्मीले जानकारी गराएका छन् ।

राति एक बजे भरतपुर १६ शरणपुरमा कौडा खेल्दै गरेका १९ जना समातिएका छन् । उनीहरुको साथबाट एक लाख ४९ हजार ६८५ रुपैयाँ बरामद भएको प्रहरीले जनाएको छ । त्यसैगरी प्रहरीले भरतपुर १५ को फूलबारी कमलपोखरीबाट पैसाको बाजी राखेर कौडा खेल्दै गरेका चारजनालाई समाएको छ । उनीहरुको साथबाट प्रहरीले तीन लाख ६ हजार २६५ रुपैयाँ नगद बरामद गरेको छ ।