मोटरसाइकलको ठक्करबाट पैदलयात्रीको मृत्यु

रासस

चितवन — भरतपुर महानगरपालिका–३ को बाह्रघरेमा बिहीबार बिहान मोटरसाइकलको ठक्करबाट एक पैदलयात्रीको मृत्यु भएको छ ।

मृत्यु हुनेमा कपिलवस्तु जिल्लाको तिलोत्तमाका ४० वर्षीय चन्द्रसिंह चौधरी रहेको जिल्ला प्रहरी कार्यालयले जनाएको छ ।

Yamaha


प्रहरीका अनुसार न्यूरोडबाट बिहान १ बजे बाह्रघरेतर्फ जाँदै गरेको ना५९प २९९८ नंको मोटरसाइकलले पैदलयात्रीलाई ठक्कर दिएपछि घाइते चौधरीको उपचारका लागि अस्पतालतर्फ ल्याउने क्रममा बाटोमै मृत्यु भएको थियो । मोटरसाइकल चालकलाई नियन्त्रणमा लिइएको जनाइएको छ ।

प्रकाशित : मंसिर २०, २०७५ १०:२४
ADVERTISEMENT
प्रतिक्रिया
पठाउनुहोस्
ADVERTISEMENT

सूर्योदय हेर्न झिसमिसेमै पटेकडाँडा

कान्तिपुर संवाददाता

तेह्रथुम — धनकुटा र तेह्रथुमको सिमा पटेकडाँडामा सुर्याेदयको दृश्य हेर्न आउनेको भिड बढदो छ । मनोरम सुर्योदयको दृश्य देखिने पटेकडाँडा र धार्मिक महत्वको मार्गापोखरी एकै स्थानमा भएकाले यहाँ आउने पर्यटकको संख्या बढेको हो ।

तेह्रथुम र धनकुटाको सीमा पटेकडाँडाबाट सूर्योदयको दृश्य हेर्दै आन्तरिक पर्यटक ।तस्बिर : कान्तिपुर

२ हजार ७ सय २७ मिटरको उचाईमा रहेको पर्यटकीय यो डाँडाबाट सूर्योदयको दृश्य हेर्न भारतको बिहारबाट समेत पर्यटक आइरहेका छन् । बेलुका शुक्रवारे, सिंधुवा, चित्रे र बसन्तपुर वजारमा आएर बास बसेका पर्यटकहरू बिहानको झिसमिसेमै मनोरम सुर्योदयको दृश्य हेर्न चिसोको कुनै प्रवाह नगरी उकाले लाग्छन् ।

यस क्षेत्रको पर्यटकीय तथा धार्मीक बिकासका लागि दुवै जिल्ला जिल्लाका स्थानीय तह र प्रदेश सरकार समेत लागीपरेको छ । यस क्षेत्रलाई प्रदेश १ को प्रमुख पर्यटकीय गन्तव्य बनाउने योजना प्रदेश सरकारले समेत अघि सारेको धनकुटाबाट प्रतिनिधित्व गर्ने प्रदेश सांसद इन्द्रमणी पराजुलीले बताए ।

पटेकडाँडा र आसपासका क्षेत्रमा पर्यटकीय भौतिक संरचना निर्माणका लागि चालु आवमै खर्च गर्ने गरी प्रदेश सरकारले १ करोड ५० लाख रुपैंयाँ बजेट बिनियोजन गरेको छ । यस क्षेत्रलाई पर्यटकीय बिकास गर्न धनकुटाको छथरजोरपाटी गाउँपालिका र महालक्ष्मी नगरपालिका र तेह्रथुमको छथर गाउँपालिका र लालीगुराँस नगरपालिका पनि लागीपरेका छन् ।

प्रकाशित : मंसिर २०, २०७५ १०:२२
पूरा पढ्नुहोस्
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT