काठमाडौंबाट धादिङ आउने सवारी साधन बन्द

पृथ्वीराजमार्गको थाक्रे –१ एक्लेफाँटमा बसले मोटरसाइकललाई ठक्कर दिँदा शुक्रवार एकजनाको मृत्यु भएको थियो भने एक जना घाइते भएका थिए ।

उक्त घटनाको विरोधमा शनिवार पीडित पक्षका आफन्तहरूले काठमाडौँबाट धादिङका लागि चल्ने सबै बस तथा माईक्रोबसको सेवा अवरुद्ध गरेका छन् ।

पीडित पक्षले माछापोखरी काउन्टरमा प्रदर्शन गर्दै अवरुद्ध गरिरहेका छन् । धादिङबाट आएका केही बसहरू भने माछापोखरी नआई बालाजु तथा कलंकी बाटै फर्किरहेका छन् ।