दोलखा — टहरामा आगलागी हुदाँ शनिवार राति भीमेश्वर नगरपालिका-४ स्थित सार्केस्वारामा एक जनाको मृत्यु भएको छ । टहराभित्र रहेका ५७ वर्षीय खड्गप्रसाद चौलागाईकाे शव जलेकाे अवस्थामा भेटिएको जिल्ला प्रहरी कार्यालयले जनाएको छ ।
प्रहरीका अनुसार मृतकका छोराछोरी टहरा भन्दा ३० मिटर तलको घरमा बसेका थिए । रातिको घटना भए पनि टहरा जलेको बिहानमात्रै थाहा भएको थियो । आगलागीको कारण खुल्न नसकेको प्रहरीले जनाएको छ ।