गुडिरहेको ट्रकमा आगलागी
सिन्धुली — बीपी राजमार्ग अन्तर्गत कमलामाइ नगरपालिका-२ को पिपलभन्ज्याङमा गुडिरहेको ट्रकमा आगलागी भएको छ । मंगलबार सदरमुकाम सिन्धुलीमाढीबाट मन्थलीतर्फ जाँदै गरेको बा ५ ख ३७३६ नम्बरको सिमेन्ट लोड भएको ट्रकमा आगलागी भइ जलेर नष्ट भएको प्रहरीले जनाएको छ ।
ट्रकको पछाडिको टायरबाट आगो सल्किएको थियो । आगलागीबाट ट्रक र सामान गरि ३४ लाख बराबरको क्षति भएको समेत प्रहरीले जनाएको छ ।
ट्रकमा आगलागी भएपछि दुईघण्टा बीपी राजमार्ग बन्द भएको थियो । जलेको ट्रकलाई पन्छाएर यातायात सुचारु गरिएको छ ।
प्रकाशित : चैत्र ५, २०७५ १३:०२