कान्तिपुरकर्मी विष्टसहित संचारकर्मीहरु विभुषित

कान्तिपुर संवाददाता

काठमाडौँ — विभिन्न क्षेत्रका योगदान पुर्‍याएको ठहर गर्दै राष्ट्रपति विद्यादेवी भण्डारीले आइतबार एक समारोहबीच कान्तिपुरकर्मी प्रताप विष्टलगायत आधा दर्जन भन्दाबढी संचारकर्मीलाई मानपदवी तथा विभुषण प्रदान गरेकी छिन् ।

शितल निवासीमा आयोजित एक समारोहमा कान्तिपुर पब्लिकेशन्सका प्रदेश—३ का ब्यूरो प्रमुख विष्टलाई राष्ट्रपति भण्डारीले प्रवल जनसेवा श्री विभुषण प्रदान गरेकिथिइन । मानपदवी र विभुषण पाउने संचारकर्मीहरुमा शम्भु श्रेष्ठ, निर्मला शर्मा, तीर्थ कोइराला, गोपाल बुढाथोकी, गणेश पाण्डे, उजिर मगर, पुण्य पौडेललगायत रहेका छन ।

Citizen


नेपाल राष्ट्रको गौरव र नेपाली जनताको हित अभिवृद्धिमा योगदान पुर्‍याएको भन्दै विभिन्न क्षेत्रका ३ सय ४२ जनालाई मानपदवी र विभुषण प्रदान गरिएको थियो । संविधान दिवसको अवसरमा अर्थात असोज ३ गते घोषणा गरिएको मानपदवी र विभुषण आइतबार प्रदान गरिएको हो ।

मानपदवी र विभुषण प्रदान गर्ने समारोहमा उपराष्ट्रपति नन्दकिशोर पुन,प्रधानमन्त्री केपी ओली, विभुषण समितिका संयोजक एवं रक्षामन्त्री ईश्वर पोखरललगायतको उपस्थिती रहेको थियो ।

प्रकाशित : वैशाख १, २०७६ १३:५३
ADVERTISEMENT
प्रतिक्रिया
पठाउनुहोस्
ADVERTISEMENT

सकारात्मक सोचको विकास गरौं : मुख्यमन्त्री पोखरेल 

माधव अर्याल

पाल्पा — सकारात्मक सोचको विकास नगर्दासम्म विकास र समृद्धि सम्भव नभएको प्रदेश ५ का मुख्यमन्त्री शंकर पोखरेलले बताएका छन् । उनले दिमागमा रहेको नकारात्मक सोचलाई २०७६ सालको सुरुवातबाट नै त्यागेर जान आफ्ना प्रदेशका नागरिकलाई आग्रह गरेका हुन् । 


प्रदेशसभा सदस्य डा. पुरनमान बज्रचार्यले तानसेनमा आयोजना गरेको शुभकामना तथा सम्मान कार्यक्रममा बोल्दै उनले सकारात्मक सोंच भएन भने विकास र समृद्धिको सपना पूरा नहुने बताए। ‘सबैको राम्रा पक्षलाई भन्दा नराम्रा पक्षलाई बढी वकालत गर्दै हिँड्ने एउटा बानी छ,’ उनले भने, ‘त्यसलाई सुधार गर्न सकियो भने विकास र समृद्धिको सपना पूरा हुन्छ।’ प्रदेश ५ सरकार समृद्ध प्रदेश निर्माणको अभियानमा जुटेको उनले बताए।

विगतमा जो जसले नकारात्मक सोच राखे पनि अब सकारात्मक सोच लिएर अघि बढ्ने हो भने समृद्धि छिटै आउने उनले बताए। ‘५ नम्बर प्रदेशकै पर्यटकीय गन्तव्यका रुपमा पाल्पालाई विकास गर्ने सोच बनाएका छौं,’ उनले भने, ‘तानसेनलाई पर्यटनमैत्री सहरका रुपमा विकास गरेर सोच पनि बदल्न जरुरी छ।’

उनले ५ नम्बर प्रदेशकै संग्रहालयका रुपमा पाल्पा दरबारलाई विकास गर्न लागेको बताउँदै श्रीनगर बतासेडाँडामा बन्ने सांस्कृतिक डबलीबाट फाइदा लिन सक्नुपर्नेमा जोड दिए।

मुख्यमन्त्री पोखरेलले संविधान जारी भएपछि बितेका तीन वर्ष काम गर्न नसकेको स्वीकारे। ‘पहिलो वर्ष भूकम्प र नाकाबन्दी, दोस्रो वर्ष तीन वटा निर्वाचन गर्दागर्दै बितेको छ,’ उनले भने, ‘गएको एकवर्ष तीन वटै सरकार कानून बनाउनमा बिताएका छन्।’

तेस्रो वर्ष संघीयता कार्यान्वयन गर्ने कानून बनाउने वर्षका रुपमा गुजार्‍र्यौं। तीनवटै वर्ष जटील र चुनौतीपूर्ण थिए तर विकास ४ बाट बढेर ६ प्रतिशतको विकास हासिल भएको छ।’

प्रदेश नम्बर ५ का सभामुख पूर्णबहादुर घर्तीले नयाँ वर्षले प्रदेशलाई विकासको मोडमा अघि बढाउन कानुन निर्माण र योजना तर्जुमाको अन्तिम चरणमा पुगेको बताए। उनले प्रदेश सरकारले गरेका कामहरुले गति लिने बताए।

सभामुख घर्तीले समृद्ध प्रदेश खुसी जनता सरकारको नारालाई सबैले साथ दिएर अगाडी बढ्न आग्रह गरे। सोही अवसरमा पिपुल्स क्रियशन प्रालिले सञ्चालन गरेको सेरोफेरोन्यूज डटकमले प्रकाशन गरेको भित्तेपात्रोको मुख्यमन्त्री पोखरेल र सभामुख घर्तीले विमोचन गरे। सोही अवसरमा डा. बज्राचार्यले तानसेन बजारभित्रका ८४ पुगेका ज्येष्ठ नागरिकलाई सम्मान गरेका थिए।

प्रकाशित : वैशाख १, २०७६ १३:२८
पूरा पढ्नुहोस्
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT