खैरो हिरोइन र ४७ किलाे चरेस सहित १ जना पक्राउ
धादिङ — लागूऔषध नियन्त्रण ब्युरोले स्थानीय प्रहरीको सहयोगमा ९ सय ७८ ग्राम खैरो हिरोइन र ४७ किजी चरेस सहित १ जनालाई पक्राउ गरेको छ । प्रहरीले गजुरी-१, को सोतीखोला कच्ची सडकबाट राजमार्गमा झर्दै गरेको कारसहित उक्त परिणामको लागू औषध बरामद गरेको हो ।
गजुरी प्रहरीका अनुसार डिएल ३ सिएडी ७०८१ नम्बरको मारुती सुजुकी कारबाट पछिल्लो सिटमुनी फल्स बटम बनाई लुकाईछिपाई लैजाँदै गरेको अवस्थामा पक्राउ गरिएको हो । लागू औषध ओसारपसारमा संलग्न कैलाली उपमहानगरपालिका-४ बेहडी निवासी ४६ वर्षीय काल्चे बोहरालाई प्रहरीले नियन्त्रणमा लिएको छ।
प्रतिक्रिया
