१३ वर्षीया बालिका बलात्कृत

कान्तिपुर संवाददाता

दोलखा — छिमेकीको घरमा भइरहेको पूजामा हिँडेकी १३ वर्षीया बालिका बलात्कृत भएकी छिन् । बलात्कार आरोपमा भीमेश्वर नगरपालिका-४३ वर्षीय रामबहादुर तामाङ पक्राउ परेका छन् । बालिकालाई पूजा घर जान नदिइ जबरजस्ती करणी गरेको आरोप उनीमाथि लगाइएको छ । 


रामबहादुरलाई मुलुकी अपराध संहिता ऐन दफा २१९को उपदफा ३ अनुसार मुद्दा चलाइएको प्रहरी नायव उपरीक्षक बासुदेव पाठकले जानकारी दिए।

Citizen


तामाङले बालिकालाई ललाइफकाइ आफ्नो घरमा लगेर बलात्कार गरेको जाहेरी किटानी गरिएको छ। मुलुकी अपराध संहिताले बालिका जबरजस्ती करणी गर्नेलाई १४ देखि १६ वर्षसम्म हुनसक्ने व्यवस्था छ।

प्रकाशित : जेष्ठ १, २०७६ १३:००
ADVERTISEMENT
ADVERTISEMENT
प्रतिक्रिया
पठाउनुहोस्
ADVERTISEMENT

सरकारले मिडिया काउन्सिल विधेयक फिर्ता गर्नुपर्छ  : रामशरण महत

रमेशचन्द्र अधिकारी

धनकुटा — नेपाली कांग्रेसका नेता तथा पूर्व अर्थमन्त्री रामशरण महतले सरकारले सञ्चार र मानव अधिकारको क्षेत्रमा हस्तक्षेपकारी कार्य गरेको आरोप लगाएका छन् । उनले सरकार अधिनायकवादतर्फ अग्रसर भएको भन्दै लोकतान्त्रिक मूल्यमान्यतालाई ख्याल नगरिए त्यसमा प्रतिपक्ष मुकदर्शक भएर चुप लागेर नबस्ने चेतावनी दिए ।

प्रेस युनियन धनकुटाले बुधबार आयोजना गरेको पत्रकार भेटघाट कार्यक्रममा बोल्दै महतले सरकारले अघि सारेको आमसञ्चार विधेयक समग्र सञ्चार क्षेत्रमाथिको आत्रमण रहेको टिप्पणी गरे । मन्त्रीपरिषदबाट पारित भएर संसदमा दर्ता भएको मिडिया काउन्सिल विधेयक समग्र सञ्चार क्षेत्रको विरुद्ध रहेकोले संसदबाट पास गर्न नहुने महतको धारणा थियो ।

यस्तै, सरकारले मानवअधिकारको क्षेत्रमा समेत गलत कार्य गरेको आरोप लगाए । सत्ता बाहिर हुँदा ठुलो स्वर गर्नेले सत्तामा पुगेपछि विपरित कार्य गरेको उनको तर्क थियो ।
प्रतिपक्षको भूमिका कमजोर रहेको भन्ने पत्रकारको जिज्ञासामा महतले कांग्रेसले हिंसात्मक शैलीको आन्दोलन नगर्ने भन्दै सत्तापक्षका नचाहिँदो कार्यको सशक्त रुपमा विरोध गर्ने बताए । अधिकांस समय सरकारको विरोधमा खर्चिएका कांग्रेस केन्द्रीय सदस्य समेत रहेका महतले वर्तमान सरकार राष्ट्रियताको सवालमा सबल रहेको भन्दै त्यसको फाइदा चीनसँगको व्यापार र सम्झौताप्रति सकारात्मक रहेको उल्लेख गरे ।

सरकारले प्रस्तुत गरेको नीति तथा कार्यक्रम प्रचारमुखि मात्र रहेको भन्दै सस्तो लोकप्रियतामा सिमित यस्ता कार्यक्रमले दिर्घकालिन उपलब्धी नहुने उनको धारणा थियो । पत्रकार भेटघाटमा कांग्रेस नेता रामहरि खतिवडा, रामकृष्ण यादव लगायतको सहभागिता थियो ।

प्रकाशित : जेष्ठ १, २०७६ १२:३९
पूरा पढ्नुहोस्
प्रतिक्रिया
पठाउनुहोस्