राष्ट्रपति रनिङ शिल्ड जेठ अन्तिम साता

प्रतियोगिता निर्देशक समितिको बैठकले स्थानीय तह स्तरीय छनौट जेठको २५ भित्र सक्न अनुरोध गरेको छ ।

प्रतियोगितामा एथलेटिक्स, भलिवल, कब्वडी, सितेरियो कराँते, तेक्वान्दो र उसुका खेलहरु सञ्चालन गरिने समितिका प्रमुख राजन दाहाल खुशराजले जानकारी दिए । अघिल्ला वर्षमा हुने निर्वाचन क्षेत्र स्तरीय छनौटलाई यस पटकदेखि स्थानीय तहबाट छनौट गरिने निर्देशिकाले व्यवस्था गरेको छ ।

मकवानपुरका बकैया गाउँपालिकाले छनौट गरिसकेका छन् भने बागमती र गढी गाउँपालिकाले निर्णय गरिसकेको जानकारी आएको प्रमुख दाहालले बताए ।

स्थानीय तहबाट छनौट भएका खेलाडी जिल्ला हुँदै प्रदेश र राष्ट्रिय प्रतियोगितामा सहभागी हुन पाउने व्यवस्था गरिएको छ । मकवानपुरमा एक उपमहानगरपालिका, एक नगरपालिका र ८ गाउँपालिका रहेका छन् ।