राष्ट्रपति रनिङ शिल्ड जेठ अन्तिम साता

कान्तिपुर संवाददाता

हेटौडा — मकवानपुरमा नवौं राष्ट्रपति रनिङशिल्ड प्रतियोगिता जेठको अन्तिम सातामा हुने भएको छ । जिल्ला समन्वय समिति मकवानपुरमा बिहीबार बसेको बैठकले रनिङशिल्ड प्रतियोगिता जेठ ३० गतेबाट सञ्चालन गर्ने निर्णय गरेको जिल्ला खेलकुद विकास समितिका अध्यक्ष माधव तिमल्सिनाले बताए ।


प्रतियोगिता निर्देशक समितिको बैठकले स्थानीय तह स्तरीय छनौट जेठको २५ भित्र सक्न अनुरोध गरेको छ।

Citizen


प्रतियोगितामा एथलेटिक्स, भलिवल, कब्वडी, सितेरियो कराँते, तेक्वान्दो र उसुका खेलहरु सञ्चालन गरिने समितिका प्रमुख राजन दाहाल खुशराजले जानकारी दिए। अघिल्ला वर्षमा हुने निर्वाचन क्षेत्र स्तरीय छनौटलाई यस पटकदेखि स्थानीय तहबाट छनौट गरिने निर्देशिकाले व्यवस्था गरेको छ।

मकवानपुरका बकैया गाउँपालिकाले छनौट गरिसकेका छन् भने बागमती र गढी गाउँपालिकाले निर्णय गरिसकेको जानकारी आएको प्रमुख दाहालले बताए।

स्थानीय तहबाट छनौट भएका खेलाडी जिल्ला हुँदै प्रदेश र राष्ट्रिय प्रतियोगितामा सहभागी हुन पाउने व्यवस्था गरिएको छ। मकवानपुरमा एक उपमहानगरपालिका, एक नगरपालिका र ८ गाउँपालिका रहेका छन्।

प्रकाशित : जेष्ठ २, २०७६ १६:१०
प्रतिक्रिया
पठाउनुहोस्

बुढानिलकण्ठमा ५० सिसी क्यामेरा जडान

कान्तिपुर संवाददाता

काठमाडौँ — दुर्घटना तथा आपराधिक गतिविधि नियन्त्रण गर्ने उद्देश्यका साथ बुढानिलकण्ठमा प्रहरीले ५० वटा सिसी क्यामेरा जडान गरेको छ । महानगरीय प्रहरी प्रभाग बुढानिलकण्ठले गल्फुटारदेखि विष्णुमति पुलसम्मको ५ किलोमिटर सडक खण्डमा सिसी क्यामेरा जडान गरेको हो ।

प्रहरी समुदाय साझेदारी कार्यक्रम अन्तर्गत बुढानिकलण्ठ नगरपालिका र प्रभु बैंककको सहयोगमा सिसी क्यामेरा जडान गरिएको प्रभागका प्रहरी निरीक्षक राजकुमार राईले जानकारी दिए । सिसी क्यामेराबाट २४ सै घण्टा त्यस क्षेत्रको निगरानी गरिने उनले बताए ।

प्रकाशित : जेष्ठ २, २०७६ १६:०१
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT
ADVERTISEMENT
ADVERTISEMENT