खाल्डोमा परेर विद्यार्थीको मृत्यु

मृतकका परिवारलाई बेनिघाट रोराङ गाउँपालिकाले १० लाख क्षतिपूर्ति दिने र निर्माणाधीन सिमेन्ट उद्योगमा मृतकका परिवारलाई रोजगारी दिलाउने सहमतिपछि आफन्तले शव बुझेका हुन् । उनी स्थानीय जनजागृति आधारभूत विद्यालयमा कक्षा २ मा पढ्थे ।

बेनिघाट रोराङ २ स्थित ताल्तीमा निर्माण हुँदै गरेको हुवासिन नारायणी सिमेन्ट उद्योगमा जाने बाटो निर्माण क्रममा मलेखु खोलाबाट ग्राभेल निकाल्दा ठूलो खाल्डो बनेको थियो । खाल्डोमा शनिबार पौडी खेल्न गएका तीनमध्ये गजुरी २ घर भएका ८ वषर्ीय केदार

गिरीको मृत्यु भएको हो ।

खोला कटान गरी सडक निर्माण गरेको आरोप लागिरहेको बेला बालकको मृत्युले स्थानीय तथा परिवारका सदस्य आक्रोशित बनेका छन् । आक्रोशित उनीहरूले मृतकको परिवारलाई उचित क्षतिपूर्ति र सिमेन्ट उद्योगमाथि कारबाहीको माग गरेका थिए ।

पीडित पक्ष, स्थानीय, उद्योगका प्रतिनिधि, गाउँपालिका प्रतिनिधिबीचको छलफलपछि पीडित परिवारलाई राहत उपलब्ध गराउने सहमति भएको हो ।