५४ केजी गाँजासहित २ पक्राउ

प्रताप विष्ट

हेटौंडा — भारततर्फ लैजान लागेको लागूऔषधसहित प्रहरीले २ जनालाई पक्राउ गरेको छ । लागू औषध बोकेको ट्रक पनि प्रहरीले नियन्त्रणमा लिएको छ । ५४ केजी गाँजासहित प्रहरीले बारा जितपुर सिमरा उपमहानगरपालिका-२ का गाडी धनी एवं चालक २८ वर्षीय रोहित श्रेष्ठ र भारत रक्सौलका ४४ वर्षीय सन्जय महतोलाई बिहीबार पक्राउ गरेको हो । 

पूर्व-पश्चिम राजमार्गको हेटौंडा उपमहानगरपालिका-१५ स्थित रातोमाटे चौकीका प्रहरीले हेटौडाबाट वीरगन्ज हुँदै भारततर्फ गइरहेको ना ३ ख ५३४० नम्बरको ट्रक रोकेर चेकजाँच गर्ने क्रममा २७ वटा प्लाष्टिकको प्याकेटमा गाँजा लुकाएर राखेको अवस्थामा बरामद गरेको प्रहरी उपरीक्षक मुकेशकुमार सिंहले बताए।

ट्रकको चालक बस्ने सिटमाथिको फल्सबटम बनाएर गाँजा लुकाइएको थियो। भारतको रक्सौलमा पुर्‍याउने गरी मनहरी गापाको सिमपानीबाट गाँजा लोड गरेको प्रहरी समक्ष चालक श्रेष्ठले बताएका छन्। 'उक्त गाँजा रक्सौलसम्म पुर्‍याएवापत ५० हजार रुपैयाँ भाडा पाउने प्रलोभनमा परेर गाँजा लोड गरेको हो,' उनले भने। चालक श्रेष्ठले ट्रकमा गाँजा ढुवानी गरेको यो पहिलोपटक होइन प्रहरी उपरीक्षक सिंहले भने, ‘उनले पटक-पटक पुर्‍याएको हुन सक्छ,अनुसन्धानपछि खुल्दै जाला।’

प्रकाशित : जेष्ठ ३१, २०७६ १५:०९
प्रतिक्रिया
पठाउनुहोस्

सडक खन्ने क्रममा पहिरोले २ जना पुरिए

प्रताप विष्ट

(हेटौंडा) — मकवानपुरको दुर्गम राक्सिराङ गाउँपालिका—८ ठुलो टोडकेमा डोजरले सडक खन्ने क्रममा माथिबाट पहिरो झरेर दुईजना पुरिएका छन् । डोजरको आधी भाग पनि पुरिएको छ ।

सिलाधुनीबाट ठुलो टोडके पुग्ने कृषि सडक खन्ने क्रममा माथिबाट पहिरो झरेर डोजरको सहायक चालकद्वय २३ वर्षीय सन्दिप श्रेष्ठ र १७ वर्षीय रोशन वुढाथोकी पुरिएका छन् । डोजरको ब्रेक्ररको भाग पुरिएको छ, तर चालक भने सुरक्षि रहेका छन् ।

‘ब्रेक्ररले थाहा पहरा फोड्ने क्रममा एक्कासी माथिबाट ठुलो पहिरो खसेको हो,’ स्थानीय हस्तबहादुर मोक्तानले भने, ‘ब्रेक्रर नजिकै रहेका श्रेष्ठ र बुढाथोकीलाई माथिबाट आएको पहिरोले पुर्‍यो ।’ अहिलेसम्म उनीहरुलाई पहिरोबाट उद्धार गर्न सकिएको छैन । गाउँलेहरुले इप्रका मनहरीलाई खबर गरेका छन् ।

प्रहरी निरिक्षकको टोली घटनास्थलतर्फ गइरहेको प्रहरी उपरिक्षक मुकेशकुमार सिंहले बताए । मनहरीबाट घटनास्थल पुग्न हलुका सवारी साधनमा करिब ३ घन्टा लाग्छ ।

प्रकाशित : जेष्ठ ३०, २०७६ १३:२२
पूरा पढ्नुहोस्
प्रतिक्रिया
पठाउनुहोस्