रामेछाप जिल्ला सदरमुकाम जोड्ने सडक अवरुद्ध 

कान्तिपुर संवाददाता

काठमाडौँ — रामेछाप जिल्ला सदरमुकाम जोड्ने खुर्कोट मन्थली सडक खण्ड पहिरोले बिहानै देखि अवरुद्ध भएको छ ।

खुर्कोटको सुनकोशी पुल नजिक र मन्थली नगरपालिका ६ कुनौरीमा झरेको पहिरोले यातायात अवरुद्ध भएको छ ।

वर्षा र पहिरो झर्ने क्रम नरोकिएकोले सडक खुलाउन नसकिएको प्रहरीले जनाएको छ ।

यसैगरी मन्थली नगरपालिका वडा नम्बर ४ को पाण्डे टोलमा समेत सडक अवरुद्ध भएको प्रहरीले जनाएको छ ।

प्रकाशित : असार २७, २०७६ ११:००
प्रतिक्रिया
पठाउनुहोस्

अविरल वर्षाका कारण गोठ भत्कँदा १ को मृत्यु, १ घाइते

टीकाप्रसाद भट्ट

रामेछाप — अविरल वर्षाले गोठ भत्कँदा रामेछापको रामपुरमा एकजनाको मृत्यु भएको छ ।  एक महिला घाइते छिन् ।

जिल्ला प्रहरी कार्यालय रामेछापका प्रहरी निरीक्षक शेख अदालतका अनुसार मृत्यु हुनेमा ७० वर्षीया पदमकुमारी सुनुवार रहेकी छिन् । गोठमा बसेकी ४५ वर्षीया असली सुनुवार घाइते भएकी छिन् । गोठमा रहेको एउटा भैंसी समेत मरेको छ ।

घटनाको जानकारी पाउना साथ रामेछाप प्रहरी चौकीबाट उद्धारका लागि प्रहरी परिचालन गरीएको र थप बल जिल्ला प्रहरी कार्यालयबाट पठाइएको उनले बताए ।

प्रकाशित : असार २७, २०७६ १०:५९
पूरा पढ्नुहोस्
प्रतिक्रिया
पठाउनुहोस्