पहिरोले घर पुरिँदा २ को मृत्यु

नगेन्द्र अधिकारी

काभ्रे — पहिरोले घर पुरिँदा बनेपा-३, चुनातालमा २ जनाको घटनास्थलमा नै मृत्यु भएको छ । रामप्रसाद दंगालको घर पुरिँदा उनकी श्रीमती अन्दाजी ५५ वर्षीय गोमा र उनकी ७ वर्षीय नातिनी सुहावीको मृत्यु भएको जिल्ला प्रहरी कार्यालय काभ्रेले जनाएको छ ।

घटनामा परी उनकी बुहारी ३० वर्षीय सुशीला र नातिनी ३ महिनाकी अनुस्का दंगाल घाइते भएका छन्। घाइतेको शीर मेमोरियल अस्पताल बनेपामा उपचार भइरहेको छ। छिमेकी दिवाकर दाहालका अनुसार, करिव २५ मिटर खसेको पहिरोले कच्ची घर बगाएको थियो। भूकम्पले चर्किएको घर पहिरोको समेत जोखिममा थियो।

प्रकाशित : असार २७, २०७६ १३:३९
प्रतिक्रिया
पठाउनुहोस्

कमला नदीको बाढीमा घेरिए वृद्ध

कान्तिपुर संवाददाता

धनुषा — सिरहा सिमाना कमला नदीको बाढीमा घेरिएका छन् । पूर्व-पश्चिम महेन्द्र राजमार्गबाट करिब २ किलोमिटर उत्तरमा रहेको मन्दिरका ४५ वर्षीय पुजारी बेदरु मुखिय बाढीमा घेरिएका धनुषाका प्रमुख जिल्ला अधिकारी प्रदीप कँडेलले बताए ।  

कमलामा रहेकाे टापु जस्ताे स्थानकाे मन्दिरमा चारै तर्फबाट पानी प्रवेश गरेपछि मुखिया रुखमा चढेका छन् । पुजारी मुखियालाइ उद्धार गर्न नेपाली सेनाकाे टाेली पुगेकाे छ । पानीकाे बहाव उच्च भएकाे कारण पुजारीकाे उद्धार गर्न नेपाली सेनाकाे हेलिकप्टर मगाउने तयारी गरिएकाे छ । वर्षा भइरहेकाे कारण मुखियाकाे उद्धारमा समय लाग्न सक्ने प्रमुख जिल्ला अधिकारी कँडेललेे बताए ।

लगातारकाे अविरल वर्षाले कमला नदीमा बाढीकाे बहाव बढेकाे छ । कमला आसपासकाे वस्तीमा सतर्कता अपनाइएकाे सशस्त्र प्रहरी उपरीक्षक राजु पाण्डेले बताए ।

वर्षाका कारण जनकपुर जलमग्न बनेकाे छ । घर, पसल, कार्यालयमा पानी प्रवेश गरेकाे छ । पानी जाम भएकाे स्थानमा नगरपालिका र प्रहरीले काम गरिरहेकाे छ । जनकपुरकाे पुराना र गहिराे घरमा ३ फिट भन्दा बढी पानी जमेकाे छ ।

प्रकाशित : असार २७, २०७६ १३:२७
पूरा पढ्नुहोस्
प्रतिक्रिया
पठाउनुहोस्