बीपी राजमार्ग एकतर्फी खुल्यो

रोशी गाउँपालिकाको मंगलटारमा खहरे खोलाले पुरेको बा१६प ३५४९ नम्बरको कार पनि प्रहरीको सहयोगमा निकालिएको थियो । कालढुंगाको भ्याकुरे र माम्ती खोलामा पानीको सतह बढेका कारण साना सवारी साधनलाई ओहोरदोहोर गर्न केही असहज भएपनि ठूला सवारीसाधन चल्न थालेको सापकोटाले जानकारी दिए ।

अरनिको राजमार्ग भने नियमित सञ्चालनमा छ । जिल्लाका ग्रामिण भेगको यातायात भने पूर्ण रुपमा ठप्प छ ।

यसैबीच रोशी-११ स्थित भिमेश्वर स्कुलको ग्याविन बाल भत्कँदा नजिकै टहरामा सुतिरहेकी ६५ वर्षीया कृष्णदेवी रायमाझीको मृत्यु भएको छ । परिवारका अन्य सदस्य अर्को घरमा भएकोले बाँचेका छन् । सुरक्षित हुने भन्दै उनी घर भन्दा ५०० मिटर दुरीमा रहेको टहरामा सुत्दै आएकी थिइन् ।