त्रिभुवन राजपथ र छोटो मार्ग पुनः सञ्चालनमा

सुवास विडारी

मकवानपुर — अविरल वर्षाका कारण सोमबार मध्यरातबाट बन्द रहेको हेटैंडा–काठमाडौं जोड्ने दुईवटा सडक पुनः सञ्चालनमा आएको छ ।त्रिभुवन राजपथ र  हेटौंडा–फाखेल–काठमाडौं सडक सोमबार मध्यान्हबाट सञ्चालनमा आएको हो ।

आइतबार बिहानबाट सञ्चालनमा आएका दुवै मार्ग सोमबार मध्यरातमा पहिरोका कारण अवरुद्ध भएको जिल्ला प्रहरी कार्यालय मकवानपुरले जनाएको छ।

फाखेल र सिस्नेरी सडक अवरुद्ध भएपछि हेटौंडाबाट अधिकांश सवारी त्रिभुवन राजपथ हुँदै गुड्ने गरेका थिए। त्रिभुवन राजपथ अन्तर्गत थाहा नगरपालिका–१, गुम्बाचोकमा गएको पहिरो प्रहरीले पन्छाएको थियो।

अविरल वर्षाका कारण अवरुद्ध भई आइतबार दिउँसोबाट एकतर्फी सञ्चालनमा आएको हेटौंडा–फाखेल–हुमाने काठमाडौं सडक सोमबार रातिबाट फेरि बन्द भएको थियो। इन्द्रसरोवर गाउँपालिकाको स्याउलीबजार, राकस खोला र हुमानेमा पहिरो गएपछि हेटौंडा–फाखेल–हुमाने काठमाडौं सडक पुनः अवरुद्ध बनेको थियो।

जिल्ला प्रहरी कार्यालय मकवानपुरका प्रहरी उपरीक्षक मुकेशकुमार सिंहका अनुसार लेदोमाटोसँगै पहिरो गएको सडक खण्डको अवरोध पन्छाएसँगै हाल एकतर्फी रुप उक्त मार्ग सञ्चालन भएको छ। अझै हेटौंडा–सिस्नेरी–काठमाडौं र कान्तिलोकपथको विभिन्न स्थानमा गएको पहिरो पन्छाउँन नसक्दा एक हप्तादेखी दुवै सडकखण्ड पूर्णरुपमा बन्द अवस्थामा रहेका छन्।

बाढी र वर्षात्का कारण हालसम्म मकवानपुरमा ज्यान गुमाउनेको संख्या आधा दर्जन पुगिसकेको छ। विशेष गरी सोमबार राति मकवानपुरको उत्तरी क्षेत्रस्थित थाहा नगरपालिका, इन्द्रसरोबार र भीमफेदी गाउँपालिकामा आएको अबिरल वर्षात्का कारण धेरै बाली नालीसहित घरहरु डुबानमा परेको प्रहरीले जनाएको छ।

प्रकाशित : असार ३०, २०७६ १२:५९
ADVERTISEMENT
ADVERTISEMENT
प्रतिक्रिया
पठाउनुहोस्

मकवानपुरमा मृत्यु हुनेको संख्या तीन पुग्यो

सुवास विडारी

मकवानपुर — अबिरल वर्षापछि आएको बाढीपहिरोका कारण मकवानपुरमा मृत्यु हुनेको संख्या तीन पुगेको छ । मकवानपुरको थाहानगरपालिका, इन्द्रसरोवर गाउँपालिका र कैलाश गाउँपालिकामा खोला र भेलले बगाएर तीजनाको मृत्यु भएको हो ।  

मकवानपुरको थाहानगरपालिका-३ मा दम्की खोलाले बगाउँदा १४ वर्षीया स्कुले छात्राको मृत्यु भएको छ । स्थानीय जनकल्याण माविमा अध्ययनरत् बालिका सन्तमाया बलामी स्कुलबाट घर फर्कनेक्रममा खोला तर्दा उनलाई खोलाले बगाएको जिल्ला प्रहरी कार्यालय मकवानपुरले जनाएको छ ।
मकवानपुरको इन्द्रसरोवर-२ मा शुक्रबार साँझ भेलले बगाउँदा एक युवतीको मुत्यु भएको छ । इन्द्रसरोवर २, हेचुलीमा १४ वर्षीया सुष्टी डिमडुङगलाई घर नजिकै आएको भेलले बगाएको प्रहरीले जनाएको छ । कैलाश गाउँपालिका-१० मा शुक्रबार साँझ खोलामा आएको बाढीले बगाउँदा बेपत्ता भएका एक जना पुरुषको शव भेटिएको छ । कैलाश १० का अन्दाजी ५०/५५ वर्षका सानु कान्छा सुनारलाई डुडु खोला तर्ने क्रममा खोलामा आएको बाढीले बगाएको थियो ।
यस्तै छोटो दुरीमा चल्ने हेटौंडा-सिस्नेरी-काठमाडौं तथा हेटौंडा-फाखेल-काठमाडौं तथा कान्ति लोकपथ सडक अझै सञ्चालनमा आएको छैन । तीनवटै सडक खण्डमा पहिरो खसेको कारण अवरुद्ध भएपनि खुलाउने प्रयास भइरहेको जिल्ला प्रहरी कार्यालय मकवानपुरले जनाएको छ ।

प्रकाशित : असार २८, २०७६ १४:३५
पूरा पढ्नुहोस्
ADVERTISEMENT
प्रतिक्रिया
पठाउनुहोस्
ADVERTISEMENT
ADVERTISEMENT